عرض مشاركة واحدة
قديم 08-08-2005, 01:46 AM   رقم المشاركة : 43
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة


خوية درب عمري ماخذاني دونها النسيان
وانا ياهل الملامه ما رغبت العيش وحداني
ابيلي مهرة ما عجزت صغيرة وبنت حصان
ابوها الي يفك المشكلة ويسبل الجاني
واخوها لا تعزوى باسمها فزوا له العربان
يحق له الفخر في قولة آل فلان جداني
ابيها في بحر عشرين لا زود ولا نقصان
ابيها اقصر طويله والوصوف اشكال والوان
ابي الجبهة كما الصبح وكما القوس اسود الحجان
وابيها ناعسات ونرجسية سود الاعيان
ابي رمش كما ريش يغطي الثلج فالاوجان
وابي جفن يشيل الرمش طربان وكسلان
ابي خد كما ورد تنمى في طرف بستان
وابي خشم صغير ومثل حد السيف شامان
ابي البسمه كما البرق وثناياها كما المرجان
وشفاها جمرتين وفمها خاتم سليمان
ابي شعر مثل ذيل الفرس لا طبت الميدان
او الشلال لامن بات ليلة بين الافدان
ابي جيد سواة ابريق فضه ناتق مليان
وصدر كانه مرايه عليها طلع رمان
ابي ظهر كما الجدول وقد مثل غصن البان
وخصر مثل مجدول العنان وجسم رويان
ابيها نامية ردف وبطن ظامر جوعان
ابيها مدمج اكتاف وقدمها لسان ثعبان
ابيها بنت عز من رغدها ينعم الفسدان
ابي الرقه وابي الدقه لها باطرافها شان
ابي المشيه كما الي طالع من المعركه كسبان
وابيها ترش مع خطواتها مسك وريحان
ابي صوت الى مني سمعته كأن فيه الحان
يدغدغ مسمعي ويدير كل السحر في اشجاني
ابيها حب واخلاص وهواجيس وفرح واحزان
ابيها مثل ما دكتور اهالي العشق وصاني
ابيها لوحة ما صورتها ريشة الفنان
وابيها جوهرة ما جابها قاصي ولا داني
ابيها تنتصرني من زمان حطني نيشان
وتبشر بالغلى الي ما لفابه واحد ثاني
مهرها قلب وشعر يهز القلب والوجدان
والبسها القصيد وتصبح اوزاني وقيفاني
ابي الي فات والي فات صعب ومن لقى العنوان
يرد العلم والا افضل ابقى اعيش وحداني..






التوقيع :
احبه لست ادري ماأحب به
حتى خطاياه ماعادت خطاياه