ما كتبت الشعر يا نور عينـي مـن فـراغ=فيك واللي فيك يحتاج لـه وقـت وفـروغ
الشعـر فـي غيركـم سامـج مايستسـاغ=وفيك ما لا يستسغ من ورا خشمـه يسـوغ
احسن الابيـات فـي بوتقـة قلبـي تـداغ=بس من هيبتـك لا جيـت ابكتبهـا دغـوغ
اتعب المرسم يدي واتعـب الفكـر الدمـاغ=لين شفت لنجمة الشيب في راسـي بـزوغ
من عذر قلبي نهـار ابـرز البيضـا وزاغ=هو به من شاف ما شفت قلبـه مـا يـزوغ
في حياتي ما ذكرت اني طشيـت الشمـاغ=لين شفته وانزلـغ دمعـي الاحمـر زلـوغ
طفل توه في حشا امه يغاغي (غاغ غـاغ)=يتلعثم وان حكى افصح كلامه (غوغ غـوغ)
ما يعرف من الهوى كود لعبـه بالصبـاغ=ابيض ابيض ما يعرف الصدوغ من الرسوغ
في عيونه صـاغ الآلـه شـي مايصـاغ=فص ساحر صاغ فيه آية الفرقـان صـوغ
وفي الهدب هيبة نبي مـا عليـه الاالبـلاغ=وفي النهد طفل بلغ من قبـل سـن البلـوغ
وفي خدوده راغ بارق سحاب الشـرق راغ=بس انا من خوف يعمي عيوني ويـن اروغ
يا جماعة وان غدا القلب من جوفـي وبـاغ=من يدور لي معه قلـب آخـر مـا يبـوغ