على ذاك الطريق الي يسمونه غرام احباب
وطت رجلي على دربه ولا ادري وش نوى فيني
تبعته لآخر دروبه لين القمر قد غاب
تعب قلبي ولاتعبت مســـــــافات توديـــــــــــــي
لقيت الليله الجردا هدب ظل وسما واعشاب
بعد ذاك الظلام الي يتوهنـــــــي عناويــــــــــني
صدفتك معجبه فيني وياليت الغرام اعجاب
وتراك انتي الhanooof اللي هقيتــــك تستحقيـــــني
عطيتك عشق من قلبي وسلمت لغلاك ارقاب
وغيرك يحتـــرق قلبـــه ولا يقــــدر يحاكيـــــــــــني
أنا قبلك صدفت عيون لكن ويش جاب لجاب
ترى كل العيــــــــون الي لقتنـــــــي ماتكفينـــــــي
تعالي وارحمي ذاك الخفوق المولع المرتاب
مهب لاجلي عشــــــان الله يجــــازيك ويجــــازيـــني
تعدي في سما عشقي ولو عشقي خراب اصحاب
وصوني بالهوى نفسك قبل لاانتي تصونيـــــــــــــني
والى منك هقيتني شجاع ومايطيق يهاب
أنا لك بالهــوى والله مثل ما أنتي هقيتيـــــــــــــــني
أنا ما امشي ورا غيرك ولو انه يطق الباب
وترى عيب علي اطعـــن ولو كثـــــرت سكاكينــــــي
زهود مـــــــــايطيق الدم لا داين ولا طلاب
شجــــاع وعــــارف نفســـــي واظن انك تعرفينــــي
غيور ماعرفت اضحك مع الغدر فبرود اعصاب
أبيع عيــــــــــوني الثنتين قبــــل انك تخــــــــونيـنـي
وان اشتد الغرام اترك خفوقي بين ناب وناب
لفــــــــــرقا تكســــر ضلوعي ولاعشــــق يوطينـــي
أنا رجلٍ ولي غيــــره وإذا شفت الهوى كذاب
تثور بقلبـــــــي الفزعــــــة ولا تهـــــدا شياطيــــــني
سؤالك لويزعزع بي كياني ماقبلت اعتاب
أجي لك وأسالك نفــــــــس السؤال الي سألتينــــــي
عن العشق القديم أبواب تقفيها كثير ابواب
بعد ذاك الحبيب الي خدعنــــــي وانخـــــــدع فينـــــي
أبي عشق تحسب له كل نظرات العيون حساب
وابي قلـــب على قلبـــي وابي ديــــــــــن على ديني
وابي نظره عطا توفي ولاتخلف بدون اسباب
وابي منك قبـــــــــل لا انتي تصـــــــديني تـــــــوديني
وابي درب على العذال صعب متعب غلاب
وابي نفس الطريق الصعـــب يبعدهـــم ويدنينـــــــــي
ترى لو للقلوب عيون ولدموع العيون اهداب
حشــــــا ماتنــــزل الدمعـــه لغيـــــرك لو تركتينــــــي
أنا اول من عرف قدرك وانا توي صغير وشاب
وابي منك مــــــــادام انك عرفتينـــــي تحبينــــــــــي
مادام اني لقيتك في طريق اسمه غرام احباب
دخيــــــــل الله وبعــــــد الله دخيــــــــلك لا تخلينـي
مادام ان كل من يحي على وجه التراب تراب
عسى تنســـــاني الدنـــــيا مادام انتي ذكــــــرتيني
حـــــــــــــــامــد