هلابك محمد من جديد
واعذرني يالغالي بتأخر الرد
فوالله ان وقتي ضيق
(شبة اصدقاء)
وضيوف والتزامات وانت تدري يابوحميد
ولك ردي اتمنى يعجبك تو كتبته
على الكيبورد
وعلى السريع
_______
_______
يالله ياللي كاتبٍ للمقادير
امرك بكاف ونون يمضي تمامه
عزيزٍٍ وحفيظ لقران ٍ امنير
هدي ونجاة اللي طلبك السلامه
عزيزٍ وعظيم بأمرك وتدبير
ربٍ رحيم وعاليٍ في مقامه
تفرج لمن همه غدى بالمخاسير
بين الديون وانحرم من منامه
يارازق الحية و يارازق الطير
تفرج لمن بددت منامة غمامه
انت العزيز ورب يبقى لك الخير
مافيه عبدٍ ماتجيبة كلامه
يامقسم في هالقلم وخط تسطير
نونٍ وذا النون فاز بمرامه
طه وامر طه رفعته عن الغير
بين انبياء قدرة بعز وكرامه
والحين اهلاً يامحمد لك السير
تسلم هلا من نسل ربعٍ حشامه
غيثي ومن نسل الضياغم مناعير
صمع القلوب اولاد عليٍ علامه
والحمد لله مابدى لي مقاصير
غير الكرم والطيب طبع وشهامه
ذي تربيه بالطيب ماهي تباذير
والله كريم ولا مشينا ملامه
تسلم رفيقي وشوفتك لي تباشير
كني ترى فايز بنوط ووسامه
وذا فضل ربي حب خلقه مقادير
من حب ربي حفظ حفظي كلامه
_________
_________
وسلامتك يالضيغمي