بغيت أعدّل البيت وعصاني
حلف ماينثني عن قاف شدّه
وقفت وثم رجعت وفي مكاني
بنيت القاف من شعري اعدّه
اهوجس فالليال وفي زماني
وبحر الحب في جزره ومدّه
وفي منهو على الغبّه رماني
وانا عن كل ما يوذي اردّه
انا ياما عطيته من حناني
جزاي من ألوفا لي زود صدّه
وفي لندن نسى يومه لقاني
على كيفه وفيما هو يودّه
وفجنيف الوسيعه كيف جاني
يطير إمن الفرح ماحي قدّه
وفي روما على دربه حداني
عطيته درب ماينقاس حدّه
وفي برلين لي وقفه ثواني
اعدبها الندى من فوق خدّه
عطيته كل شي ولا عطاني
وداده كثر ماقلبي يودّه
وفالصين الغريبه فالمباني
وصلت لحد ماشي(ن) يحدّه
قطعت بحور انا لجل الاماني
عشان إرضاه بجزاني بضدّه
عطيت وكل ماعندي ولاني
بقاصر لو يبا زود(ن) يسدّه
ولكن صدّه وظلمه كواني
قطعت الحبل مايقوى يمدّه