[احاسيسي]

اقتباس المشاركة الأصلية كتبت بواسطة الاصدقاء وعليك السلام ورحمة الله وبركاته اهليييييييين هدى اسمك ما شاء الله جميل احس اسم هدى .. زي ما يقولوا "ارستقراطي" ، فيه انفة واعتداد بالنفس .. كبرياء بتواضع ما شاء الله .. وعاشت الاسامي الله لا يجيب مشاكل يا هدى .. ورغم ذلك تجينا ودائما تشاركينا اللي خلاني اكتب العنوان اللي كتبت لمشاركتي يا هدى لاني المس في طرحك صراع لضدين .. البر .. والعقوق خاصة، .. انه خلال فترة "نانونية" .. اذا جازت الاستعارة .. وصح التعبير فـ تتكلمي عن فترة شهرين يحصل فيها هالانقلاب القطبي للمجال المغناطيسي من عمر مليوني السنين للارض << اصلي عم اتابع كثير الايام الماضية ظاهرة التغيرات الارضية والفلكية .. والتفسيرات العلمية لها فـ لاتؤاخذي اسلوبي وتاثره بمصطلحات الموضوع "بليز" .. تحمليني بس عن جد يا هدى !؟ خلال شهرين من عمر العلاقة بينك وبين والدتك الله يحفظك ويحفظها ، يحصل تغير وانقلاب 180 درجة في العلاقة بينكم !؟ خليني اقلك شغلة، .. جاء في الحديث عنه صلى الله عليه وسلم ما معناه : ان الله اذا احب عبدا، ابتلاه (وطبعا، واكيد، .. ان الله سبحانه وتعالى لن يحب عبد غير سوي النفس والسريرة .. ، هذا حسبي فيك) لكن ليش يبتليه ؟ لانه يبغى هالعبد يزيد يتقرب منه .. بدعاؤه .. بمناجاته .. باللجوء اليه .. وان يزيد تتعلق جوارحه واحاسيسه وعقله وفكره بالله سبحانه وتعالى والتقرب ما هو بالضرورة سجادة واعتكاف وعزلة عن الناس ، وان كان خير وبركة ان حصل لكن .. قد يكون في مجرد قراة القران .. والتامل في معانيه الامر .. اللي يلهمك الله سبحانه وتعالى .. ويهديك .. ويجعل لك مخرج مما تمرين فيه اللي يخليني اقول هالكلام .. امرين المسهم في طرحك يا هدى الاول، .. ان الحياة .. ونهجها .. وسنتها .. قائمة على مرور العبد فيها .. بضغوط .. وعقبات .. واخفاقات .. وصدامات .. وحتى خيبة امل وهذا .. يضعنا في حالة من التقلب المزاجي .. وصراعات وثورات مع وعلى انفسنا .. فما بالك مع من حولنا وقد يحصل انه في ذروة وتطرف ثوراتنا ومقاومتنا .. ان ننقلب حتى على العرف والتقليد والمنطق لكن في النهاية .. باذن الله، .. غيمة .. وتمر وتعود باذنه المياه لمجاريها .. وكان شئ لم يكن وثانيا، .. وهو حسب ما اقراك وانك، ما شاء الله، تعرفين بر والدتك وترفضي .. ويزعجك ان تعقيها فـ حسبي .. انك تحت تاثير سحابة .. مصاحبة لتغيرات وتقلبات ما وانها، باذن واحد احد، .. فترة .. وتعدي وكل ما عليك .. ان تتلمسي القرب من الله سبحانه وتعالى .. وان يطمئنك ويهدئ من روعك .. ويلهمك الثبات وحسن البصيرة والقول والفعل ويعينك ويوفقك لحسن بر والديك جزئية اخيرة .. اهمسها لك، .. من الطبيعي ان يصادف .. ويكون هناك فروقات واختلافات .. سواء .. اهوائية، مزاجية بين اي شخص والاخرين .. بما فيهم المقربين مني لكن .. يفترض مع تقدم معرفتي بالحياة .. ونضوجي واكتسابي لمهارات التعايش .. والتعامل مع الاخرين خاصة مع، زي ما يقولوا اللي "يمونون" علي ان اسدد واقارب .. واوفق بين .. تحقيق ذاتي .. والحفاظ على الاحترام والالفة والمودة والقرب مع .. من حولي عموما .. والاقربين خصوصا هدى، .. اعتذر على التاخير شكر وود .. ، دعواتي لك .

اهلين الاصدقآء

مشكور اول مره احب اسمي
ذكرتني ب الثورات الاوربيه خاصه الفرنسيه :)


كلامك صحيح منجد كان في
ضغوط .. وعقبات .. واخفاقات .. وصدامات ..
وبالفعل كلها سوت تاثيرات ب علاقتي
مع نفسي ومع امي

رجعت قريت كلامك مرتين
اشياء كثيره بحياتنا ماتمشي بالطريقه
للي نبيها لو ب اللي تعودنا عليها
وبس نرجع نعدل علاقتنا ب ربنا
يرجع كل شي بشكل اجمل
من السابق ....
عارف اكثر كان يزعل امي
علاقتي بــ ربي
ان شالله يارب زي ما قلت غيمة .. وتمر