أنا في داخلي طفله تموت بضحكة الأطفال
تحب الحب وتلون جنون العشق فنانه
لها عالم كبير ومملكه في عالمه تختال
ولها ذاك القمر يسعد مسا العشاق من شانه
ولها مع كل نجمه سالفة ليل وحلم وآمال
على كيفه تسولف للنجوم بحس وجدانه
وتعانق بالفرح فجر تغرد به طيور الفال
وتحب الشمس لا فلت خيوطه وارخت الوانه
وتنادي للسحاب وينتثر شوق وغلا بالحال
وتغني والمطر يعزف لحنه ويغمر اشجانه
تحب البحر وامواجه وتبحر بين جال وجال
وتلم الموج بكفوفه وينام البحر باحضانه
وتحب الورد وتهدي للورود العطر باستهبال
وتعرف ان العطر منه ولكن نبت شيطانه
كذا في داخلي طفله على كل العمر تختال
محت نص السنين وغيرت بجنون عنوانه