"البارت التاسع عشر "
وهم طالعين "
: ماشاء الله الاحبه هني
مزون إنصدمت .... .. وسعود ابتسم بنتصار وفضل ماسك ايد مزون
سعود ناظره وهو رافع حاجب : إيه هني عندك مانع أخ فواز ؟
فواز إنقهههر طالع مزون بعصبيه : شلون راضيه ع نفسك تطلعين معه ماعندك كرامه وعزة نفس ؟
مزون ساكته وفكت إيدها من إيد سعود : انا ما طلعت معه جيت باخذ اوراقي حقون السفر
فواز : وليه ماسك إيدك ؟
مزون : فواز إنت مالك دخل فيني فااهم "وناظرت سعود " وإنت كمان لاتقرب صوبي
وجات بتطلع بس فواز مسك إيدها وقال بعصبيه : رح تجي معي ع الريااض
مزون فكت إيدهآآ وقالت بعصبيه : خلاص ترا تعبتوني انت وسعود وخروا عني انسوني مافي غيري يعني
بعض الناس قاموا يطالعون عليهم .. مزون أنحرجت شوي بس بجد هي تعبت منهم صارت مثل السجينه بقفص وتبي تتحرر تركتهم بالمطعم وطلعت ..
سعود ناظر فواز بكره وإشمئزآز فوآز ردله النظرة وطلع برا
أما سعود جلس ع طاوله بالمطعم وفكره مشوش ..!!
عند سارا كانت بالمطبخ وتحضر الغداء..
حطت الاكل ع الطاولة بالمطبخ .. وراحت للصاله لقت فهد قاعد ويقرآ جريدة
قالت ببرود : يلا الغدا جاهز ..
فهد شوي ويفقع ضحك ع تصرفاتها تظار البرود وقام راح للمطبخ ..
طالع ع الأكل وقآآآآآآل : شوووووووووووووربـــــه ؟؟؟
سارا جلست وصارت تاكل : إيه شوربه وش فيها ..؟
فهد : ماتعرفي تطبخي غيرها يعني ؟
سارا : هذا الموجود عجبك إكل ما عجبك براحتك ..
فهد قعد وأخذ الملعقه : بآكل أمري لله ..
دام صمت بينهم لمدة ربع ساعة ..
سارا وقفت بعد ما شبعت وراحت بتغسل ..
فهد ناظر لها وهي رايحة ولاحظ برودها وزعلها إبتسم وقال بشوف بتبقى كذا
ولا رح تجي وتتكلم معي ..
جات سارا وأخذت الصحون وصار تغسل فيهم ..
فهد ناظر لها : لاتنسي اليوم بيجي حسام وزوجته وأخته جهزي العشا ..
سارا إلتفت عليه : أجهز العشا؟؟
فهد بستغراب : إيه وش فيكي مصدومه جهزي العشا
سارا : بس ما بي اطببخ إنت جيبه من براا
فهد بطفش : أوووف طيب بجيبه من برا
ووقف وطلع برا المطبخ
سارا سكرت المويا وقالت بطفش : أوووف بااااااارد ..
مزون وصلت ع الفندق نزلت وحاسبت راعي التاكسي ..
دخلت وطلعت فوق غرفتها أول ما دخلت رمت شنطتها ع السرير
وفصخت عباتها .. وجلست وهي تقول بينها وبين نفسها "كيف بتصرف بفرنسا وأنا قلت
لهم إن بروح عند أهل أمي وهم يكرهوني ويكرهوا أمي لأني مسلمه وأمي تزوجت
غصبت عنهم وماراح يستقبلوني وين بروح يعني مو معقول بفضل قاعدة هني بالفندق فلوسي قربت تخلص بقي ثلاث ايام ولازم اسوي حجز جديد ومامعاي فلوس المصيبه ..
وقفت وراحت لشنطتها فتحتها ولقت بس معها 500 رياال ..
: بسس هاذي ايش بتسوي ؟
دق باب غرفتها فكرت العامل جايب لها العشا ..
لبست عباتها ولفت الطرحة وفتحت الباب لقت فوآز تأففت : أحنا مابنخلص يعني ؟
فواز : ببقى واقف هني ؟
مزون تركت الباب مفتوح ودخلت فواز دخل وسكر الباب ولقاها جالسه ع الكنبه
راح وجلس ع الكنبه اللي قدامها وقال : مزون إنتي صحيح بتروحي فرنسا
مزون جات بتتكلم بس فواز قطع عليها : لاتقولي إيه أنا مو سعود تكذبي عليه أعرف إنك تكذبي وأهل أمك مايحبونك وماراح يستقبلونك
مزون : طيب حتى لو ماراح اروح عند أهل أمي أروح أي مكان ثاني .. فواز خلاص إنسوني انا مابيك لا إنت ولا سعود
فواز : بس مايصير صدقيني ع الاقل تعالي عندنا ع الرياض ماراح نشغلك مثل قبل بس اجلسي ببيتنا والله يامزون انا تغيرت وماراح اقرب منك ولا اسوي لك شي وامي تغيرت معاملتها من بعد ما ابوي تزوج عليها "ونزل راسه "
مزون بصدمه : عمي تزوج عليهاااااااااااا ؟
فواز : إيه تزوج عليها وصرنا مانشوفه الا بالشهر مرة طول وقته عند زوجته الثانيه وأمي مرا صارت متغييييره صدقيني ..
مزون سكتت وبدأت تفكر بكلام فواز ..!
فواز كآن يتأملها ويقول بباله " انا يامزون تبهدليني كذا وتخلي سعود يذلني خليكي بس تجي عندنا والله لاخليكي خدامه عند رجولي إصبري علي بس "
مزون ناظرت عليه وحست معه حق قالت : طيب موآفقه
فواز إستآنس وداخله يضحك ع غبائها ..وقف : أجل أنا أستأذن وإنتي جهزي شنطتك لان بكرا بنرجع ع الرياض
مزون وهي داخلها مو متطمنه : طييب
طلع فواز وهي تقول "يارب اللي بسويه صح ولا لاء "
خطرت ببالها فكرة وقبل لاتروح مع فواز بتسويها ..
بيت أبو نوآف .."
نواف وخواته كانوا قاعدين بالصاله ..
البندري ملاحظه إن نواف عنده كلام بقوله ومتوتر دقت النوري : بنت نوري
النوري : آمممم
البندري : شوفي نواف حاسته بقول شي ..
النوري ناظرته وحسته فعلا متوتر قالت : نواف فيك شي ؟
نواف عدل جلسته : النوري ابيك بموضوع
البندري ناظرته : يعني افهميها يا البندري وقومي ..!
نواف ابتسم : إيه بعد إذنك موضوع مانبي احد يعرفه ..
البندري تأففت : اوووف لازم يعني
نواف بجديه : البندري قلنا روحي يعني تروحي خلاص
البندري راحت وهي تأفف
النوري ألتفت لنوآف : ها يآ أخوي وش الموضوع ؟
نوآف إبتسم : النوري إنتي ماشاء الله كبرتي وشوي وتتخرجي من الجامعه صح؟
النوري بستغراب : صح يا اخوي ..!
نواف : وماشاء الله صرتي ع وجه زوآج .."وأبتسم لها"
النوري بلعت ريقها وإستحت وسكتت
نواف ضحك : هههههه وش فيه وجهك صار أحمر ؟
النوري سآكته ."
نوآف إبتسم : النوري اليوم جآني صديقي خالد وخطبك مني ..
النوري إنصــــــــدمـت ماتوقعت تتزوج أحد غير سلمآن أو أحد يخطبها غير سلمآن ..
هي ماتبي غيره ولا رح تفكر مجرد تفكير إن تكون لغيره ..َ!
نوآف شافها ساكته ومصدومه : أنا قلت لك إنتي بالاول عشان لما افتح الموضوع مع امي وابوي يكون عندك خبر ولاتكوني مصدومه ..
النوري وقفت وهي مصدومه : عن إذنك
نواف يناديها بس هي ماردت وطلعت فوق ..
أول ما دخلت غرفتها سكرت الباب
وإرتمت ع السرير وصارت تبكي بحرقه وقهر ..
ع حبها اللي راح يروح طول عمرها تحلم تكون له تحب سلمان ومن هم صغار ولاعمرها فكرت تكون لاحد غيره هو ملك قلبها واسر عقلها ماتفكر ولاتشوف رجال بهالدنيا غيره وبلحظة رح تتزوج إنسان ثاني لاتعرفه ولايعرفها إيش بتقول لأهلها لأي سبب رح ترفض
خلاص هي بقي لها سنتين وتخلص دراسه مالها حجه وبعد هالسنتين لو تقدم لها أحد ثاني وش رح يكون عذرها وش رح يكون مببررها مالها أي عذر ولا أي مببرر ..
رح أتزوج خالد أو غيره ..!
أندق باب غرفتها مسحت دموعها بسرعه وعدلت صوتها وسوت نفسها تربت فتحت الباب كانت البندري تركتها ودخلت
البندري وقفت قدآمها : وش كان يبي منك نوآف .؟
النوري بتوتر : عـ ـآدي ما كان يبي شي كنا نتكلم عادي
البندري ملاحظه توترها : آهـآ دآمه عادي وش هو الكلام
النوري : عن جامعتي وكذا "وتبي تغير الموضوع " وين كادي ؟
البندري : نايمه عشان مدرستها "إنتي بتنامي ؟
النوري ماصدقت تبي تبقى بروحها : ياريت والله تعبانه مرة وبكرا بقوم بدري للجامعه
البندري وهي طالعه : أوك تصبحي ع خير
النوري : وإنتي من أهله ..
عند سـآرآ وفـهـد ..
سارا كانت تلبس ساعتها وتتكشخ لأن اليوم بيجوا عندهم الضييوف ..
طلع فهد من الحمام وهو لاف المنشفه ع خصره وشعره مبلل وشكله عذااااااااب
سارا ألتفت له وإستحت بعدين وخرت نظرها وقالت : فههههد وش هاالمصاخه تعرف أني بالغرفه ..
فهد وهو يضحك : ههههههه وش مسوي أنا عادي إنتي زوجتي ..
سارا رمت له التيشيرت : خذ إلبس إنت وجهك
فهد صار يضحك وأخذ التيشيرت ولبسه بعدين ناظر لها وإنتبه لكشختها : الله الله شهالزين سارونتي غطيتي ع ملكات الجمال
سارا : ليه قبل كآنوا هم مغطين علي ..
فهد قرب وحاوط خصرها : لاء طبعاً إنتي الزين كله ..
سارا إنتبهت ع نفسها لأن شوي وتضعععععععف وخرت عنه وبلعت ريقها : ءءء طيب يلا إلبس عشان اللجين رح يجون
فهد ضحك : طيب يا سارا نشوف الليله لك يومين تتهربين ..!
لبس فهد وطلع إلا يندق الجرس راح وفتح لهم وإستقبل حسآم ودخله مجلس الرجال
وسارا إستقبلت الحريم ودخلتهم مجلس الحريم ..
سارا : نور البيت بوجودكم تفضلوا إجلسوا ..
نجلاء زوجة حسآم : منور بأهله زآد فضلك
جلست نجلاء وفجر أخت حسآم ..
سارا أشرت ع نجلاء : إنتي زوجة حسآم صح؟
نجلاء إبتسمت : لاء والله أنا أخته زوجته متوفيه "وأشرت ع فجر "وهاذي فجر أختي الصغيره
سارا ناظرت فجر وإبتسمت : ماشاء الله تدرس فجر
نجلاء : خلصت ثالث ثانوي والسنه الجايه بتروح اولى جامعه
سارا : ماشاء الله الله يوفقها
نجلاء : أمين
سارا وقفت : عن إذنكم
نجلاء : تفضلي..
راحت سارا وفجر إلتفت لنجلآء : اللحين ذي متزوجة والله ما أصدق شوفي جسمها ولبسها
نجلاء : إيه والله مو مبين عليها .. "أقول فجورة وش رآيك بزوجها إللي فتح لنا الباب ..ونآظرتها بخبث
فجر إبتسمت : مزييييييييييييييون ويهببببببببل
نجلاء : ع فكرة زوجته هاذي ماتجيب عييااال يعني تقدري تضحكي عليه بكم كلمة وإنتي تعرفي الباقي
فجر : من صدقك تبيني أخلي زوجها يتزوجني
نجلاء : إيه وش تبي أحسن من كذا وسيم ودكتور وغني وماعنده عيال وبس تجيبي له العيال رح تكوني كل شي بحياته
فجر : لانجلاء مستحيل هو يحب زوجته ويموت فيها وعنده ياها عن مية طفل
نجلاء : لـ....
سكتوا لما دخلت سارا وهي مبتسمه ومعاها العصير "
ببيت الجده .."
غلا بغرفتها ع اللاب تكلم ريف مسن .."
دق جوالها وكان رقم غريب
غلا: ريووف برب شوي
ريف : أوكِ تيت
أخذت الجوال : ياترى من بدق بهالوقت ردت "الـو من معي ؟
: هذا رقم غلا .؟
غلا بستغراب صوت مو غريب علي : إيه تفضل أخوي أنا غلا ؟
: أنا وآحد من طرف أبوكِ وأبي أشوفك
غلا بصدمممممممممممممممممه : أبــــــــــــــوي ؟"وعيونها دمعت والعبره خنقتها "
توتر من دموعها : إهدي يَ أختي إهدي أنا بقول لك وين أبوكي بس لازم إنتي تجي وتقابليني
غلا صارت تبكي وتصارخ : وينه أبوي أللي رماني وانا صغيره وينه اللحين جاي يبيني قوله مابي أشوفه ولا أكلمه ولا يتصل علي لا يتصل علي وسكرت بوجه "
وأنهارت تماماً بالبكاء وكسرت كل شي قدآمها وصارت تبكي "
الخدآمآت والجده سمعوا صوت بكاء طلعوا فوق وشافوا غلا جالسه عند التسريحه وتبكي بنهيار وكل شي مكسر قدامها
الجدة خافت وراحت عندها : يمه بنيتي وش فيكِ وش صاير عليكِ ؟
غلا أرتمت بحضن أمها : يمه أبوي بياخذني منك يبي ياخذني
الجدة أشرت للخدآمآت يروحوا وحضنتها : بس يا يمه بس محد رح ياخذك مني إنتي بنتي وأنا أمك محد بياخذك مني لاتبكي يا يمه
غلا تمسكت بشيلة أمها وكل شوي تتذكر صوت الرجال ولما قال لها ابوكي بياخذك وتزدآد بكاء .."
عند مزون سكرت من بنت عمها سوسن بعد ما تطمنت ع أحوآلهم وسألتها إذا أبوها تزوج وقالت لها صحيح أبوي تزوج ..
تأكدت مزون وقالت خلاص يبقى فوآز مايكذب علي ورح آروح معه ع الاقل الرياض عند عمي وببيته وأكيد خالتي شريفه بعد ماتزوج عليها صارت شخصيتها ضعيفه ومعاملتها تغيرت ..
جا ببالها تتصل بسعود ع الاقل لو تسمع صوته بس من غير لاتقول شي
"لا مزون وش هالحركة البايخه لا أتصل أحسن لي ولا أتصل شوي بس أسمع صوته لا أكثر .."
أخذت جوالها ورفعته دقت رقم سعود إللي حفظته أكثر من رقمها هي ..
أول رنه ثآني رنه ثآلث رنه رآبع رنه رد : الوو
مزون كانت تسمع صوته وهي سآكته
سعود : ألو من معي .. رد أحسن لك مو ناقص أستهبال
مزون حست شوي وتفضح كل شي سكرت منه وهي دقات قلبها كل شوي تزيد وترتفع
"آآآآآهـ يا سعود إيش سويت فيني وربي أخذت كل تفكيري صرت ليل نهار أفكر فيك الله يصبرني يآرب وأنسآك .."
بعد ما تعشوا وخلصوا عشا
قامت فجر وراحت تبي تغسل إيديها ..
كانت واقفه قدآم المغسله تغسل خلصت ونشفت إيدينها لمحت فهد طالع
من من مجلس الرجال ناظرت شكلها ورتبت شعرها وزآدت الروج وطلعت وسوت نفسها ما إنتبهت ..
مشت من قدآمه بعدين إنتبهت له وشهقت : آآآآآه سوري ماشفتك
فهد تنح فيها شوي بعدين بلع ريقه وإستوعب : ءء لاعادي أختي ماصار شي
فجر مشت بسرعه وهي داخلها مبتسمه وراضيه ع اللي سوته لان هي خقت عليه
دخلت ع الصاله وإبتسمت بخبث ونجلاء فهمت لها إن كل شي تمآم ..!"
ثآني يوم الصبح الساعه 9 ..
قآمت مزون وكآنت مرتبه شنطتها وكل شيء .. بدلت ملابسها ولبست عبايتها
وكانت تنتظر فوآز يجي عشان يروحوا المطآر ..
كان عقلها يقول لها تروح وقلبها يقول لها لاتروح ومزون رغم إن قلبها يسيطر ع عقلها
بس ماتسمع له نهائي وتمشي ع اللي عقلها يحكمه ويقتنع فيه ."
رن جوالها وشافت رقم فوآز ردت : ألو .. الحمدلله ها إنت تحت .. طيب بس أدفع الفلوس وأطلع ... دفعتهم إنت لافواز مايصير ... طيب بس نرجع الرياض بعطيك هم .. أوك يلا دقايق وأجي باي ..
سكرت مزون وأخذت شنطتها وطلعت من الغرفه ونزلت تحت لقت فواز واقف
فواز اول ماشافها إبتسم بخبث وهو يبي يضحك ع غبائهااااا ..
ركبت مزون وراء
فواز ناظرها بستغراب : السلام عليكم
مزون : وعليكم السلام
فواز التفت عليها : بتركبي وراء ؟
مزون : أجل قدآم .؟
فواز : بسس كذا كأني سواق
مزون : كأنك لكن إنت مو سواق بعدين كلها دقيقتين ونوصل المطار
فواز بقلبه ماشي يا مزون بمشيها بخليك ع راحتك هذا كله بتدفعي ثمنه : براحتك
مشى فواز بالسيارة وتوجه للمطار ..!
كآن بغرفته قاعد بيأس وله يومين ومايروح الشغل ..
من وقت ما مزون قالت بتسافر وهو حس كل شيء بحياته إنتهى وقت ماقال يبي يتزوج ولقى البنت المناسبه واللي حبها كمآن ينتهي كل شي وتروح من إيدينه بس ياسعود الطريقه اللي كنت بتتزوجها فيها غلط وأكبر غلط "
أندق باب غرفته عدل جلسته : مين
: أنا ياسعود
سعود : هلا يمه تفضلي
دخلت أم سعود : مشغول؟
سعود : لايمه حياك ."
دخلت أم سعود وجلست ع السرير : سعود أبيك بموضوع
سعود : خير يمه تفضلي ؟
أم سعود : بما إن مزون رآحت وتركتنا وشافت حياتها أنا بزوجك وحدة غيرها ..
سعود بصدمه : تزوجيني وحدة غيرهااااااااا ؟
أم سعود : إيه مو إنت قلت تتزوج أي وحدة المهم تجيب لك الولد وتطلقها ولا مزون غير يعني
سعود : لا مو غير وحالها حالهم بس خلاص شلت الفكرة من راسي ومابي اتزوج لامزون ولاغيرها
أم سعود : لا والله يوم قلت لك مزون وافقت بسرعه واللحين لما راحت وقلت أزوجك غيرها رفضت ليش أن شاء الله ؟
سعود : خلاص يمه مابي اتزوج وخلاص ..
أم سعود : لاء ياسعود ببتتزوج انا بشوف عيالك قبل لا اتوفى ع الاقل تجيب لك الولد وساعتها قرر يا تتزوجها او لاء
سعود سكت شوي : طيب يمه خلني افكر
ام سعود : يومين بس وترد لي خبر
وطلعت برا الغرفه
وسعود تنهد بتعب : إيش هالنشبه ياربي .."
بمدرسة رند .. وبالتحديد بمبنى العلمي ..
كان الجو هدووء طبعاً وشي طبيعي بأجوآء الاختبار يكون الجو هدوء ومافي غير صوت
المكيييف ..
رند حلت نص الورقه والنص الثاني طبعا خرابيش وتكتب عليها
الابله كانت تمشي وتشوف البنات وش يحلون جات من جمب رند وإنتبهت لها ترسم وتكتب
قالت بعصبيه : رند وش هالمصخره ليه الورقه كذا ؟
رند : أبله خلصت حل وقلت أتسلى
الابله : تتسلي بدل ماتتسلي أقعدي راجعي لان متأكده كل أجاباتك بتكون خطأ
رند : لا أبله كل إجاباتي صح ..
الابله : نشوف بالتصحيح ونشوف يوم أقول النتايج ..
رند ما اهتمت والابله راحت
غاده كانت تدق رند من ورا رند ألتفت لها : خير غادوه وش تبي
غاده : من صدقك حليتي
رند : أيه حليت
غاده : طيب وش جواب سؤال رقم 4
رند بخبث : مابقولك ..
غاده : يلا رند بلا مذله
رند : أحلمي
غاده : نذلللللللللله
رند : مثلك
الابله بعصبيه إنتهبت لهم : غاده طالعي بورقتك رند طالعي قدامك ولا اشوفك ثاني مرة تتكلمي مع أحد
مرت ساعه وصلوا فواز ومزون للرياض خلص فواز أجراءت السفر وخرابيطها ..
ركبوا تاكسي .. مزون طول الوقت تفكر كيف رح تستقبلها زوجة عمها وفواز
بخطط للي جاااي ..
بعد دقاايق وصلوا لفلة عمها نزلوا من السياره وفواز حاسب التاكسي ونزل الشنط "
دقوا الجرس فتحت لهم الخدامه وأخذت الشنط
دخلوا الصاله ومزون خايفه وفواز مستانس
لقوا سوسن وشريفه قاعدين ..
شريفه وقفت وضحكت بخبث : واخيرا شرفتي
مزون ما تطمنت أبد لابتسامة زوجة عمها وتذكرت هالابتسامه اللي اول ماتوفوا اهلها وجات هني استقبلتها زوجة عمها فيها كأن الاحدأث تنعاد من جديد
إبتسمت غصب وبلعت ريقها : هلا خالتي شلونك ؟
شريفه : تخلخلت ضلوعك انا ماعمري كنت خالتك سمعي تفكري جيتي هنا لسواد عيونك بترجعي مثل اول واحسن كمان
مزون التفت لفواز يعني امك وش تقول
فواز عصب ورجع فواز الشرير اللي مزون تعرفه ومتعودة عليه : أمي معها حق لاتصدقي اللي قلتلك ايااه رح ترجعي مثل ماكنتي خداااااااااااااااامه لا اكثر ولا اقل جبتك هنا عشان اذلك واخليكي خدامه تحت رجولي ورجول امي ..
مزون مصدمه بقوة ومو قاردة تستوعب ولاكلمه قالها يعني كل شي قاله كذب × كذب
بس عشان يجيبني هناا لا والله لا لو ايش ما ارجع تحت رحمتهم لو ايش : لا حبيبي لو تموت انت وامك ما اكون خدامه لك مزون الاوليه اللي تخاف وتحسب حساب الكلمه قبل لاتقولها راحت إنمحت فهمت سيد فواااز وفهمتي ياخااالتي "وقالتها بستهزآآء"
ما حست الا بككككككف قوي جاها ومن قوته طاحت ع الارض "
إنـــــــتــــــــهـــــــــــى """"
التوقعات ؟
سعود رح يوافق ع طلب أمه ولا يصر ع موقفه ؟
النوري بتوافق ع خالد ولا رح ترفض ؟
مزون وش رح تسسوي ببيت عمها وكيف رح تتصرف معهم ؟
فجر رح تقدر تسيطر ع فهد وتخليه يحبها ويتزوجها ؟ وسارا وش موقفها لو عرفت ؟
أنتظر توقعاتكم