اقتباس المشاركة الأصلية كتبت بواسطة طـارق اليـامي السلام عليكم ورحمه الله وبركاته يقال ضربتين بالراس توجع و يقال العيار اللي ما يصيب يدوش اليكم هذه مع سابق اعتذار لكم وارجوا ان رسالتي وصلت كما يقال اللي على راسه بطحى يحسس عليها مدام يجمعني مع الجو إخوان = لا ماعلى من نار غيري شعلها المنتدى يجمع مطاليق وخلان = والمكرمه منكم من اللي وصلها قول الجزايل عندي لا شك عنوان = وماحد قبل ظني يوم جاني قفلها بزران في بزران ولا شك بزران = كبدي ياويله من تجرى ودبلها يظن من يغلط بمسي الليل سهران = مايدري إني مشكله صعب حلها لا تحسب اني تايه الفكر حيران = لأني إذا فكرت نفسك أذلها ليت اللي قلته يوم قلته لكم بان = عشان تدرون ان بالشعر أفلها ما أكون طارق لو ماهجت غران = مدام الثقيله بيدي هذي اشلها تقبلوا مني خالص الاماني طارق اليامي 2008/24/02 ياراكب اللي صنعها شد الألمان=هي منوة اللي ياركبها حفلها ماوردت مع الجميحي ونيسان=ولا جابها اللي سلعتة ما كفلها ما كنّها إلا يا سحبت فرخ شيهان=عسى الولي يفكّها من خللها قم يانديبي فوقها فالوعد حان=لغير التوانك لا توقّف عجلها تلفي على اليامي سلايل كحيلان=طارق ونعم المرجله هو بطلها ياصاحبي كانك على اخوك زعلان=تر البشر ما نزّهت عن زللها وحياة ربٍ فارضٍ خمس الأركان=نفسٍ عزيزه ... ما نتحمل زعلها ياابن الذي للطايله دوم مزبان=من للثقيله ... غير غارب جملها حنا الخطأ مانقبله وين ما كان=للطيب طيب ... وللمعاني فحلها ولا نجازي الإحسان إلا بالإحسان=ولا نقبل اللي غيرنا ما قبلها منك العذر ياصاحبي قِدم الآعيان=النفس ما اخفت عذرها من خجلها قلته وأنا على الخوي حيل شرهان=من كلمةٍ ياليت ... طارق عدلها تمت وصلوا عد همّال الأمزان=على الذي عز امّته عن جهلها