الجزء الثاني
************************************************** ****************
*********************************
_ (( قم صالح صلي الصبح )) هذا ماتردد في اذني وانا مستلقى على السرير
فتحت عيني لأرى امي جالسة على نهاية طرف السرير وهي تقول لي صالح هذه ليست عادتك لتتأخر في الصحيان العادة تقوم بدري ناظرت على يميني الشباك لأرى الشمس تميل قليلا الى الأعلى
قلت لأمي _ معلش يا امي دنا كنت تعبان امبارح لعبت لعب كتير جدا
_ متبقاش تتأخر مرة تانيه يا صالح تبقى تيجي البيت بدري علشان تنام بدري
_ حاضر يأمي مش هتأخر مرة تانيه
نهضت من على السرير وتوضأت وصليت الصبح وذهب الى الفطار وكلت بنهم شديد
انتهيت من الفطار وجلست على جنب قليلا على اريكة في اخر الغرفة
وجلست افكر في اليوم السابق وذهبت بخيالي هل البنت التي صادقتها امبارح هل هي فعلا لا تعرف احدا هنا ممكن المهم اني هقابلها اليوم
نزلت الشارع وجاء وقت اللعب مثل كل يوم في الوقت المحدد وسلمت على صحابي
وجيت عليها وسلمت عليها وقلتلها _ ازيك عاملة ايه
_ الحمد الله بخير
_ نمتي كويس امبارح
_ اة الحمد الله
_ انتي عارفه انا لسة معرفش اسمك لغاية دلوقتي ممكن اعرفو
_ اسمي نعمة
_ عاشت الأسامي يا نعمة
وبدأنا نلعب وزي كل يوم وكانت العبة ان احنا ننقسم فرقتين ونرص سبعة بلاطات فوق بعضيهم ويكون معانا كرة صغيرة وكل فرقة يطلع منها واحد ويرمي الكرة على البلاط والفرقة التوقع البلاط تجري والفرقة التانية تجري وراها ويكون معاها الكرة الفرقة الأولى تحاول ترجع البلاط زي ما كان والفرقة الأولى تحاول تمنعها من كده والي تخبط فيه الكرة من الفرقة الأولى يطلع ينضم مع الفرقة الثانيه وكانت نعمة مع فرقة وانا مع فرقة تانية
وفرقتنا هي الي وقعت البلاط طبعا الفرقة الأولى لو رجعت البلاط زي مكان هي الفايزة والفرقة التانية لو خبطت الكرة في افراد الفرقة التانية هي الي هتفوز
واحنا الي وقعنا البلاط ورحنا جرينا والفرقة التانية جرت ورانا وانا طلعت اجري وفي وسط اللعبة التقيت بنعمة كان معاها الكرة اعدت استعرض ادمها شوي وقولها انتي متقدريش تجبيني واعد اجري منها وهي تلحقنى وبرضو معرفتش تجبني وفريت منها وهي مش هتيجي طبعا في سرعتي فرقتنا في الأخر فازت وانتهينا من اللعب وجلسنا للراحة
جلست نعمة لوحدها على جنب قمت وذهبت وجلست بجانبها
_ ازيك نعمة اللعب انهارضة كان حلو
_ الحمد الله بس اتعبنا قوى اعدنا نجري كتير بس اتمتعنا في اللعب
وجلسنا في لحظة صمت قليلا
" وانت اسمك ايه " انقطع جو الصمت بهذه العبارة التفت لنعمة ورأيتها تنظر لي
قلتلها _ انتي بتقولي ايه
_ اسمك ايه ؟
_ اة انا اسمي صالح
_ انت جديد هنا برضو
_ لا انا من زمان هنا بس انا بسافر السعودية وقت الدراسة اروح ادرس
واجي مصر وقت الأجازات بس
_ انت في سنة كام
_ انا رايح اولى اعدادي .. وانتي ؟
_ انا رايحة برضو اولى اعدادي
تعالي نقوم نتمشى احنا هنفضل قاعدين كده
_ ماشي تعال وبالمرة تعرفني كمان على الشوارع
واتمشنى في الشوارع واعد الف بيها شوية ورجعنا تاني للحي
وقلتلها تعالى اعزمك على عصير قصب
ورحنا على محل العصير واشترينا كبايتين ورجعنا على البيت واحنا فرحانين والأبتسامات على وشوشنا وديتها لغاية البيت ورحت قلتلها يلة مع السلامة
اوعى متجيش بكرة عشان نلعب
_ حاضر ان شاء الله هاجي
وفضلت استناها لغاية ما طلعت البيت وفتحت الشباك وشاورتلي بأيديها وساعتها شاورتلها بأيدي انا كمان ومشيت على البيت ودخلت البيت وانا هطير من الفرح اخيرا بقيت اعرف بنت
بقيت زي صحابي التانين زي مبيكلمو بنات انا برضو بكلم بنت وبعد كده مش هيقدرو يغيظوني
وقابلت امي وانا داخل
_ ازيك يا امي انا جعان في اكل
_ اه يبني انا شايلالك ورك فرخة وشوية رز من الغدا
_ طيب هتهملي عشان هموت من الجوع
ودخلت غرفتي وهي لى انا واخواني الأولاد الثلاثة
وريحت على السرير لغاية ما امي جبتلى الأكل وكلت بسرعة ورحت بعد منتهيت من الأكل
جلست على المسند الي في غرفتي ومسكت رواية رجل المستحيل وجلست اقرأها مع اني كنت صغيرا في السن لكني احببت هذه القصة لأسلوبها وطرقة سردها جعلني افهم معنىالقصة
وجاء وقت النوم انتهيت من القصة وذهبت الى السرير ونمت وانا افكر في اللعب غدا مع نعمة وبفكر نعمل ايه وقولها ايه لما اجلس معاها ونمت وانا عمال افكر
************************************************** ***************************
************************************************** ***************************
********************************