من طيب ربعن يكسبون الجزايل
ربعن على الطالات والطيب ضارين
ارجال بعيوني تسواي .. قبايل
واحدهم يساوي من الناس الفين
ربعن على العليا تطول الطوايل
خوه نشاما سلمنا نكره الشين
ربعي ترا امن ارجال الصمايل
قد قلتها من قبل وبقولها الحين
اكرام لو ضاقت علينا السبايل
والضيف له قدره ومكانه العين
ورثن ورثنا من الجدود الاوايل
وقفاتنا دايم على العسر واللين
واختامها لو ان تضيق الحبايل
استغفروا اللي خلقنا من الطين