تعالوا واقعدوا جنبي شويه
ابا انشدكم عن علوم المقفّي
علامه من سنه وشبه عليّه
يغيب ودايمٍ عني إمتخفي
عطيته كل ماجا في يديه
وانا له دايمٍ وافي مكفي
ترى مالي رجا إلا في مجيه
اعدّه لي غناه وفيه شفي
ألا وش حيلتي إفعينٍ شفيه
وجفنٍ من سنه دايم يرفّي
ودمعٍ منهمل مثل السقيّه
عجزت اخفيه ولاهو اللي يجفي
ابا انشد صاحبي ليه الخطيه
وليه اليوم عن دربي يعِفّي
ياكيف إن الخوي ضيّع خويه
وكنّه ما لمس كفّه بكفّي