»الموت ما هو أنك تكتفن بترابك الموت أنك تحب حي ويفارقك
ايمان دخلت غرفه اخوانها و شافت كل واحد منهم لابس ثوبه وغترته او شماغه و متزينين ينتظرونها: هذا البخووور وووصل..
فواز بضحك: هههههههههههه و والله و تغيرتي يااا ماغي و صرتي تعرفين الاصول..
ايمان بابتسامه حزينه: ضروري اعرف الاصول ياا فواز.. انا اختكم الوحيده وهذا اليوم اللي المفروض يبين فيه دوري..
جسار قرب منها و باس خدها : واحلى اخت..
ايمان مدت البخور له وصارت تبخره مثل اي ام او اخت في زواج اللي تحبه من غير تفكير سالت: جساااار..
جسار بابتسامه: خير يا الغلا..
ايمان: هل راح يجي يوم وتكرهني فيه..
جسار استغرب سؤالها بس جاوب بهدوء: هذا الشيء مستحيل... انتي اختي و احبج مهما صار
ايمان حست بالدموع بتنزل من عيونها بس قاومت حركت عيونها لفواز : وانت يا فواز.. هل في يوم ممكن تتبرا مني او تحس اني افشل او عار عليك..
فواز قرب منها وضرب جبهتها بخفه: غبيه انتي.. يووو سوووري انتي من زمان غبيه.. بي انا احبج لانج غبيه ولاني غبي بجاوبج بصراحه اكيد لااا واتمنى ما سامع هذا الشيء مره ثانيه.. ايمان ايشفيج انهبلتي
ايمان هزت راسها بالنفي قبل لا تحرك راسها لابوها: بابا لا تزعل مني لكن بعد كل اللي صار لك في حياتك هل تظن ان تحملك لمسؤوليتي انا و امي لو رجع فيك الزمن راح تقبل فيها..
محمد قرب من ايمان وحط يده على كتفها ببرود: حتى لو تاذيت و تالمت و صرت اسوء من الوضع اللي انا عليه لا يمكن انا ارفضج او ارفض امج.. ايمان انتي بنتي.. بنتي اللي احبها.. ولايمكن مهما صار اني افكر اتخلى عنج..
ايمان ابتسمت و من غير تفكير حضنتهم كثير: احبكم والله احبكم
الثلاثه بنفس الوقت : واحنا بعد..
-
-
تمت حفله الملكه واللي كانت تشمل فقط على افراد العائله باستثناء الجد اللي واجه صعوبه في انه يسافر الكويت..
نواف حلف ليسوي لفاطمه حفله ملكه من نوع ثاني.. المطربين المميزين و الفرق الاستعراضيه للرقص الشرقي و الغربي فاطمه بكل جراه بعد ما لبسها جسار الشبكه سحبت يده وصارت ترقص معه في منتصف الصاله بغرور الشيء اللي فاجأ كل الموجودين..
سديم بقهر وهي تعطي نظره لريم: هذااا وهو هي حفله ملكه تسوي كذا اجل في العرس ايش بتسوي..؟؟
ريم: خليها تفرح ياا ندى... الفرح صاره مده تارك بيوتنا...
سديم: ولو.. حتى انتي ما كان يحق لها تجبرك تحضرين الحفله وانيت توك طالعه من العده ما صار لك اسبوع..
ريم: الحمد لله على كل حال..
سديم : ما تسحي والله.. زين ان لبسنا طبيعي و ساتر ما كنت ادري ان الحفله مختلطه.. صدقت عمرها انها انجليزيه..
ريم: سديم من وصلنا وانتي تحشين في كل الناس بسك بس..
سديم وهي تحط يدها على فمها: خلاااص بسكت
ريم سكتت وحركت عيونها لطاوله ثانيه كانت عليها ندى و ديما و امهم وكانوا هما يتاملون في فاطمه بغرور..
دلال بقهر وهي تعض اظافرها: الحين للخبله هذي فاطمه يسوي حفله ملكه مثل هذي وبنتي ياخذها من غير شيء..
ديما كانت تتامل نواف اللي كان جالس على طاوله ثانيه في الحفله ولا كلف على عمره يجي عندها او يشوف هي شنو كانت لابسه حركت عيونه و انتبهت انه مركزها على طاوله ايمان و فواز..
ديما في نفسها: يخطط انه يزوج الثاني لاخته الثانيه..
نواف ما شال عيونه ابدا عن ايمان اللي كانت في دنيا ثانيه تفكر في حياتها و اللي قاعد ينتظرها بعد ساعه .. تاملت الساعه و شافت انها 9 و نصف و الناس بدوا يلتقطون الصور مع العروس و المعرس..
فواز اول من صور معهم بابتسامته المعتاده نادى ايمان وخلاها تصور معه ومع جسار و ابوهم اكثر من صوره و يسلمون على جسار...
فواز غمز لجسار: مبرووك ياا بطل..
جسار بضحك: الله يبارك في حياتك... وعقبالك..
فواز ضحك عليه: هههههههههه في البعيد البعيد ههههه
ايمان قربت من جسار وسلمت عليه : مبروووك يااا جسااار... اهتم بعمرك ارجوووك...
جسار: ايمان فيك شيء؟؟؟ من اليوم انتي توصين علينا جانج ما راح تشوفيني مره ثانيه..
ايمان ابتسمت له و ضمته: خايفه عليك...
جسار: تطمني مافي حرمه راح تبعدني عنج اوكي.ز
ايمان بضحك: اوكي
فواز سحب ايمان معه: يالله امووون خلي جسار ياخذ راحته معه عروسه...
ايمان : عقبالك انت وريم يا فواز..
فواز انفجر ضحك: ههههه انتي ما نسيتي..
ايمان باصرار: ولا يمكن انسى..
فواز: اجلى ظلي متذكره العمر كله.هههههه
ايمان بنظره حزينه قالت في نفسها يعني كان عندي الوقت كله معك..
ايمان تاملت الساعه من جديد وشافت انها 10 بالضبط طلعت لجناحها وقررت تسوي الشيء اللي اقتنعت فيه ولا يمكن تتراجع عنه..
-
-
نواف ظل ينتظر في جناحه وعلى قمه الاستعداد لايمان انتظر وانتظر لحد ما صارت الساعه 11 بالضبط وايمان لسى ما جت...
نواف بغضب رمى اطباق العشى اللي كان مجهزهم لهم .. : ماااشي ياااا ايمان.. خل نشوووف اخر عناد لايش بيوصلك..
نواف غير ملابسه و نزل على طول لجناح ايمان .. بما انه يملك مفتاح دخول الغرفه دخل الغرفه واللي شافه صدمه ...
على السرير كان مرمي الفستان اللي اختاره نواف لها و المجوهرات وحتى الجزمه وكل شيء اشتراه وعلى السرير بعد كان مرميه مجموعه من الحبوب..ولا وجود لايمان
نواف بصدمه قرب واخذ وحده من الحبوب يتاملها من غير سابق انذار موبايل ايمان واللي كان جنب الملابس رن نواف اخذها و شاف رقم ارضي على طول رد عليه..
نواف بصراخ: الو؟؟
ايمان بصوت مقهوور: كنت متصور اني راح استسلم بهذي السهوووله يااا حقير
نواف توسعت عيونه: انت وين..في جناح من انتي..
ايمان بثقه: انا ماني في الفندق كله ياا حقيييييبر..
نواف انقهر من اسلوبها: ايمان احترمي نفسك و ارجعي ولا.
ايمان : والا شنووو؟؟؟ قووول.. انا وحده مالي رجعه لا لك ولا لاي فرد من افراد العايله.. انا انسانه قررت اطلع بره القفص اللي فرضتوه علي و اعيش بحريه واذا كنت تقدر .. امسكني..
نواف: لا تتحديني يااا ايمان.. انتي بنت... وطلعتك فيها..
ايمان ببرود وضحك: شنوو بيصير. بخسر شرفي؟؟ عندي اني اعطيه لاي حقير سافل ... احسن بكثير من اني اتنازل عنه لواحد مثلك.. للانسان اللي قلت اعز مخلوق على قلبي..
نواف: انتي عن ايش تتكليمن..
ايمان: لا تبرر عرفت كل شيء من سلين.. والدواء اللي استخدمتوه عليها موجود عندك .. كانت تبيني اسنخدمه وارتاح من الدنيا لكن لا.. انا لايمكن اموت قبل لا اعذبك و اذلك حتى الموت..
نواف رعص بيده على العلبه: ايمان للمره الاخيره ارجعي..والا
ايمان: ولا شنوو.. جسار و تزوج فاطمه اللي صارت تحبه.. واللي ان فكرت تاذيه راح تاذيها بما انها صارت تحبه وان فكرت تاذي فواز او بابا راح يزعل جسار و راح يترك فاطمه دلوعتك الغاليه و بجذي راح تتاذى انت وبس..
نواف: بغضب: من متى و انتي مخططه لهذااا
ايمان بضحك: من اليوم اللي قلت لي فيه اني خسرت..انا ما اخسر ياا نواف.. وان كنت فعلا ما تخسر... فوز علي في لعبه المطارده صديني ان قدرت...
نواف بغضب: راح امسكك باسرع مما تتصورين..
ايمان: ما راح تقدر... ما عاد عندي شيء اخسره ... ولا عاد يهمني شيء حتى الناس اللي احبه اخذتهم مني... وحتى احميهم لازم يكرهوني ..............انت السبب اشبع بحياااتك وانت تدوني.. والحين ........باااااااااااي يااا حقير...
ايمان سكرت الخط و نواف انفجر غضب: الووو الووو الووو ..........
نواف رمى الموبايل بجنون على الارض انتبه على العلبه في يده و من غير تفكير بدأ يصرخ : سليييييييييييييييييييييييييييييييييييييييين
-
-
-
ايمان جلست في المطار تتامل لوحت مواعيد الطيران وتنتظر رحلتها.. تذكرتها و جوازها كان في يدها كانت الدموع تنزل من عيونها بجنون وهي تحس بشيء يقطعها من الداخل...
ايمان بدموع: قلت اني.. ما عاد عندي شيء اخسره.... وكنت صادقه... اخذت مني ياا نواف كل شيء.. اصدقائي عائلتي... احلامي و طومحاتي.. حياتي.. الشعور بالامان... انا خسرت .. خسرت كثير.. لكن... الشيء الوحيد اللي ما خسرته لايمكن اسلمك اياه على طبق من ذهب..حتى لو كرهوني .. حتى لو اعتبروني عار عليهم... ما راح اجلس متفرجه عليه...
الاعلان على رحله ايمان ابتدى النداء عليها و كل الموجودين في الانتظار مع ايمان بدأ يتحركون ايمان حطت يدها على عقد ماغي حول رقبتها و تنهدت: نوووف .... رااح اخذ بثااارج انا اااااااااا راااح اخذ بثاارج..
-