يا مسا النور والبنور والمشمش المعصور... يا مسا الورد والفل يا غالبين الكل..
اصعب حاجه يواجها اي اثنين في الكون يحبوا بعض هي الفراق والبعد
لو كان البعد بسبب مشكله او بسبب اختلاف في وجهات النظر حيكون البعد ده اهون على الحبيبين لكن لو كان البعد بسبب الموووووت حيكون اصعب واصعب
في يوم من الايام جات عين الشاب الطعم احمد في عين البنوته الكووول سمر كانت لحظه وحده بس الي جات عينهم في عين بعض ومن يومها احمد لا ليلوا ليل ولا نهاروا نهار يفكر ويحلم ويتمنى انو يرجع يشوف البنوته الحلوه الي شافها ،،، بعد مرور اسبوع على الموضوع ده اتفاجئ احمد بجيران جدد في الحي ومن الغريبه انو تكون بنت الجيران هدول هي نفسها الي وقعت عينوا على عينها... يومها احمد كان اسعد انسان في الكون ومضت الايام حب احمد سمر وهي حبتوا كمان وصاروا اسعد اثنين في الدنيا يغار عليها وتغار عليه يخاف عليها وتخاف عليه لدرجه انو ما تمر ساعتين الا وهم مكلمين بعض " ع الموبايل طبعا "وصلوا مع بعض لدرجه لو اي احد فيهم طلب من الثاني روحوا حيديلوا هي من غير ما يفكر حتى وكانوا متفقين مع بعضهم انهم حيكونوا لبعض اذا ربنا اراد في يوم من الايام وبعد نهاية الاختبارات ونجاح احمد في السنه الثالثة من المرحله الجامعيه وتخرج سمر من المرحله الثانويه قرر احمد انو يخطب سوسو طبعا بموافقه اهلوا واهلها وحصل الي كان يبغوا من زمان وبعد الخطوبه سافرت سمر لجده مع اختها وجوز اختها هداك الوقت كان يمر على احمد ببطء عشان حبيبتوا بعيده عنو وبعد مرور اربعه ايام اتصلت عليه سمر تسال عنو وتقلوا انها راجعتلوا بعد يومين طار احمد من الفرحه لما سمع الخبر وبعد يومين وقبل ما تمشي سمر مع اختها وجوز اختها راجعين لبيتهم اتصلت على احمد وتقلوا انها حتمشي بعد ساعه طلب منها احمد انها تطمنوا عليها كل ميه كيلو بمسج وهم في الطريق راجعين لبيتهم وقبل 250 كيلو تقريبا بعتت سوسو مسج لااحمد تقلوا انو باقيلها ساعتين وتوصل فضل احمد يستني الساعتين على نار اتاخرت سمر احمد يبعتلها مسج على اساس انها تطمنوا وسمر ما بترد عليه رجع احمد البيت بعد يوم طويل تعبان من الجامعه وفي تاني يوم صحي عشان يحصل عزى في بيت جيرانهم يا خساره سمر واختها وجوز اختها ماتوا في حادث وهم راجعين من السفر من بعدها احمد صار وحيد وحزين ما يفكر غير انو كيف حبيبتوا تركتوا في الدنيا دي لوحدوا
عشان كده اصعب فراق واصعب بعد هو ده ما اظن انو في اصعب من كده.
15