كلمات في المرحوم أبونا زايد رحمه الله
ويــن زايــــــد ياعربنــــــــا وين ابــو هالشعــب وين ؟
ويــن نــور الكـــون كلــــــــه وين بسمــة هالحيـــــاه
اظلمت عقبــه فيافــي .. واختفى لــون السنيــــــن
وقتنـا عقبــه خذلنـــا .. والأســى ثبـّت عـــراه
والدمــوع اللي تبقت من فـــراقه .. دمعتيـــــــــــن
دمعـه تبرد جــروحي .. وثانيـــــه تتبـــــــع خطــاه
والله إنــي ماأوفــي حزنــي الخافـــي الدفيــــــن
لو بحــور الشعــر تخضــع كل ابوهــا في عزاه
بس احاول من قصيدي يختفــي صوت الأنيـــن
عذبتـــني واذبحــنــي ذكريــــاتـي وألف آآآه
من يقول انــي نسيتــــــه أو تناسيت الحنين
ولو تجرأت ونسيته .. صــاح من قلبي غلاه
حبنــا له (وسم ) خالــــــد بالإرادة واليقيـن
تعجــز الدنيــــا تخلـّـف مثل زايـــــد في عطاه
والشعــوب اللي وصلها خيره .. بفضله تدين
وكل حكــام العوالــم ماتجـــاري مستــــواه
وين ياحرفي ؟ تمهــّل .. وصفك لزايــد ضنين
حبـنا ماله بدايــه .. وماعرفنــا منتهــــاه
يالله إنـك ياإلهــي تجعلــه في الصالحيـن
زايــد اللي يستمد الكـون من وجهه ضيـاه
ارحمه يارب رحمه وكل موتى المسلمين
دعوتي لك ياإلهي في سجــودي في الصلاه
حبنا لزايـــــد روايـــــــه ماتغيــرها السنين
زايــد الغالـي بطلـها ..طيب الخالـق ثــــراه
زايد ليس مجرد زعيم نتغنى بأمجاده وإنجازاته .. زايد دنيا من الحب
نعيشها .. زايد هو الأب والدولة والقائد .. زايد هو شيخ كل
العرب وأمير كل الفرسان .. زايد هو الرجل الذي صنع المعجزة
وبنى المستحيل ووضع يديه المعطاءة في الأرض اليابسة فجعلها جنة
سندسية اللون تتباهى كعروس في يوم عرسها لتصبح إماراتي
الجميلة في مقدمة الدول وينتقل الإنسان الإماراتي إلى مستوى أرقى
وأفضل .. فشكراً يا زايد ، شكراً يا أبي .. وعندما يتحدث الحب
في قلوبنا لابد أن ينطق باسم زايد
الله يرحمك يارب ياأبوي زايد
ويرحم الأموات المسسلمين