[قلب الزهـــور]

رواية "الا ليت القدر" للكاتبه بقايا شتات..

الجــــــــزء الحــــادي عشــــــــر...
في المكتب..
ضاري: اجلسي انسه مدى ..
جلست مدى..
ضاري وهو يلعب بالقلم بدون ما يطالعها..
:انا ابيك في خدمه...
مدى استغربت: مني؟؟
ضاري: ايوه منك..تقدرين تقولين انها من ضمن الشغل او من خارجه انتي حره..
مدى: وايش هي؟؟
ضاري :بس اول شي ابي اعرف حاجه..ايش عرفتي من زيارتي لكم..؟
مدى صعقها السؤال: ما ادري..
ضاري سند ظهره على كرسيه وطالع عيونها: لا قولي..ايش صار بعد ما طلعت من عندكم..؟
مدى تبي توصل لأي نقطه يبي يعرفها:من أي ناحيه؟؟
ضاري : من ناحيه امك وابوك..؟
مدى: استاذ انا ماني عارفه ايش تبي توصل له؟؟؟
ضاري: طيب جاوبي...
مدى: يمكن توتر الجو شوي..
ضاري بشك: شوي بس ولا كثير!!!
طالعته مدى بقلة صبر: ما ادري...
ضاري حس انها معنده معاه: اوك..اوك ماله داعي العصبيه..
مدى: ما عصبت...
ضاري: الا عصبتي..
مدى طالعته بتأكيد على كلامها: قلت ما عصبت...
ضاري وبلا مبالاة: اوك اصلا مو هذا موضوعنا..
مدى اللي توقعته انه يبي السالفه هذي..اكتشفت انه ما همته ...يعني احتمال انه ما يطلع ولد عمها ولا كان اهتم اكثر او سأل اكثر...
ضاري: انا لما زرتكم وشفت الحارات كيف صاير حالها والناس عندكم..قررت اسوي اتفاقيه او مشروع..
مدى ما فهمت عليه: وايش المشروع..؟
ضاري: ابي اساعدهم ...واعيد تأهيل حارتكم..
مدى عورها قلبها: وكيف؟؟؟ بدون مقابل مثلا...
ضاري ضحك ضحكه سخريه تنرفز
:وفي شي بدون مقابل مثلا..؟
مدى انقهرت منه وكأنه يضحك عليها..:طيب كيف..؟؟
ضاري: انا مستعد اني اوظفهم كلهم في وظايف محترمه..مقابل اني اشتري اراضيهم كلهم..احنا قربنا ننتهي من بناء مصنع وفيه نقص كبير بالايدي العامله..فا قلت بدال ما اجيب من برا ..ليش ما استفيد من اللي عندنا..
مدى: وراح تطلعهم من بيوتهم.؟؟
ضاري: اكيد..اجل اشتري بيوتهم وهم فيها؟؟؟
مدى: ما راح يوافقون...
ضاري: انا اخليهم يوافقون..
مدى: راح تجبرهم؟؟؟
ضاري: بطريقتي..وانتي راح تساعديني..
مدى ما عجبها انه يستغل ضعف اهل حارتها..
:وبأيش اساعدك..؟؟
ضاري: راح تكوني مساعدتي بهالشغله لانك وحده من نفس المكان...
مدى يتنفجر من اسلوبه: هذا طلب ولا امر..
ضاري ابتسم في وجهها: اثنينهم...
مدى: وانا مو موافقه..
ضاري ما استغرب رفضها لانه عارف انها من النوع الصعب..
:بس اهل حارتك راح يزعلون لو عرفوا انك انتي اللي راح توقفي المشروع وهالشي لصالحم..
مدى ضغطت على يدها: انا مالي دخل..
ضاري: بس انا ما راح اشتغل الا وانتي معاي..على العموم انتي فكري..ساعه كامله وراح ارجع اناديك واخذ رايك النهائي..بس فكري في حارتك واهلها...
مدى طلعت بدون ما تتكلم ولا بحرف..

>>>>>>>>>>>>>>>>>>>>>>>>>>>>>>>>>>>>>>>>>

مشت مدى في الممر وهي تكلم نفسها بعصبيه"هذا شايف نفسه على ايش؟؟..اخ لو كان بيدي قسم لا اعطيه كف محترم يعلمه التواضع..الحين انا وشلون اقنع اهل حارتي بكلامه..يعني معقوله يبيهم يتركون بيوتهم ..آآآآآآآه طيب يا ضاري تبي تحدني..الا ليش مصرّ علي اني اكون معاك..بجد متخلف"
وراحت مكتبها وهي مقرره..

&&&&&&&&&&&&&&&&&&&&&&&&&&

فــــــــــي المدرســــه..
دانا ترتب اغراضها بسرعه لان الحصه الاخيره خلصت والبنات كلهم نزلوا....
اخذت شنطتها بيد وعبايتها باليد الثانيه وطلعت من الفصل على عجل وصدمت بوحده..
:اوه سوري قلبي...
البنت: عمى ما تشوفين...
دانا لفت عليها : طيب قلت سوري..
البنت: يعني ايش تنفعني سوري...صدق ناس ما تستحي ومره ثانيه فتحي عيونك..
دانا عصبت: ومن اللي ما يتسحي؟؟
البنت: يعني فيه غيرك يا المغروره..
دانا انا احسن منك يا حثاله..
البنت قربت منها وهي منفعله: انا حثاله يا الغبيه؟؟
دانا خافت منها بس سوت نفسها قويه: ايوه حثاله وزباله كمان..
وسمعت صوت وراها: وحشره بعد..عندك شي...؟؟
دانا سمعت الصوت المضخم بالقوه ولفت عليها..وانصدمت لما شافت البنت البويه...
البنت : فيصل بليز لا تتدخل...<<فيصل الاسم الحركي للبويه..
فيصل: روحي الله يستر عليك..
البنت: بس هي...
قاطعتها فيصل: بلا بس بلا خرابيط..
البنت تنهدت وراحت وخلتهم لانها عارفه العواقب لو تدخلت..
طالعتها دانا وهي خايفه نها...
قرب منها...
فيصل: اوك حبيبي لا تخافي... هدي نفسك لا"وحطت يدها على خدها"
دانا صلب جسمها ما قدرت تتحرك ولا تتكلم..
فيصل: ممكن اوصلك للباب..؟
دانا سكتت وتقديرا للي سوته من شوي راح توافق توصلها..
:اممم اوك مو مشكله..
فيصل مد يده لدانا: اجل يله..
دانا استحت ترد يدها وشبكت يدها في يد فيصل..
ووصلو عند الباب وهم ساكتين..
كانت المشاعر متضاربه عند دانا...خوف..قلق..على شوية استلطاف بعد حركتها..
:يسلمووو
فيصل ابتسم ابتسامه جانبيه: العفو...حبيبي انتبهي لنفسك..اشوفك بكرا ..اوك..
وغمز لها وباسها من خدها وراح بمشيته العربجيه..

<<<طبعا انا اتكلم بصيغة المذكر لان هالنوع يزعل لو كلمتيه على اساس انو بنت..وانا احترم هالشي هع..

دانا تنحت ثواني ولبست عبايتها وطلعت وهي تدعي انها ما تطيح على وجهها لان الثواني عندها اختل...
&&&&&&&&&&&&&&&&&&&&&&&&&&