عرض مشاركة واحدة
قديم 08-03-2009, 12:17 AM   رقم المشاركة : 1
تركي 2000
( ود فعّال )
 
الصورة الرمزية تركي 2000
 






تركي 2000 غير متصل

ياللي تمد لسان اطول من السير ## ترا البشر ماهي من الالسن تقاس

ياللي تمد لسان اطول من السير=ترا البشر ماهي من الالسن تقاس
للهرج عند الناس مقصد وتبرير=واللي يزيد الهرج ناقص وهلاس
اصمت قبل تجني عليك التعابير=الناس دون حقوقها توجع الناس
ولسانك اليا طال يبشر بتقصير=اقرب ولالك عندنا غير الامواس
لو ان هرجك ضايع ودون تأثير=والضايعه من تحت الاقدام تنداس
انا ادري انك تهرج بدون تفكير=ولا لحقني منك شكه وسواس
الشك مايلحق رجالَ مناعير=يلحق ضعيف الراس وضعيف الساس
وانا احمدالله راس مع ساس مع خير=والبس من لباس اهل النخوة لباس
لكن ابعلمك لاصرت ياطير=تومي بجنحانك مع كل نسناس
لاتزعل اهل الحق ياناقر الزير=ثم" يذكونك من رقبتك بفاس
قدمك رجال العرف مع سالم الزير=لاترتكب غلطه وتبلش ياجساس
وتصير ضحكة وقت لكبير وصغير=وعلومك توزع مع كل عساس
هذا كلامي وانت فكر وش يصير=لاصرت لقمه بين نيبان واضراس
خذها نصيحه وانتظم فالطوابير=لو كان ماتستاهل انصحك باحساس
قبل النصايح تنشرا بالدنانير=واليوم تنثر نثرة الما من الكاس



وسلامـــــــــــــــــــــــتكم


...........






التوقيع :
نقش كل حرف من حروفي على السلسال .. وتباها بها واغار ناس مجاكرته

وكتبت القصايد في عيونه على اليامال .. واذا مرني صوت النواخذ تذكرته