على ذاك الطريق اللي جمعنا بأول المشوار
وقفت أسترجع الماضي وعشت بكل لحظاته
اضمه كل ماهزت خفوقي لوعة التذكار
اعيشه حلم لو حلمي يصحيني من اسباته
امره واستقي مره واموت بحسرتي امرار
واغيب وحاضري كله يضيع بكل مافاته
يناجيني ضميري ليه !! وش ردك بعد صار
صبرت ولالقيت الا ضياعك في متاهاته
حضرت وضمتك لحظة عذابك ياغريب الدار
على صدر المكان اللي يجدد فيك لوعاته
تعبت وحارت الخطوه مابين اليأس / والإصرار
رحلت ولاسمعت الا صدى نبضك...مع آآهاته !!
رجعت بخطوتي خطوه ولكن الزمن مادار
تقدمّت وبدا ينقص زمانٍ عد ساعاته
على ذاك الطريق اللي جمعنا بأول المشوار
وذا نفس الطريق اللي حرمني في نهاياته