قصيدة ثقلت خـطآي
-
ثقلت خطـاي وكـن الايـام فوقـي
صخر الجبال وتحتي الريح والعـج
لا والله الا صار ما ارجيـه عوقـي
غير الذي عن طلبتـه مـا اتحـرج
يالله يا مضـوي السمـا بالبروقـي
ويا مخرج وبل السحابه مـن اللـج
تمطرنـي برحمتـك وتفـك عوقـي
وتجعل لي من الضيقات والهم مخرج
انـا مثـل حـر تخاطـه سبوقـي
يد العمر والياس والحـظ الاعـرج
كم غـارة صاليـت وافتـك نوقـي
وكم طعنة عانيت من غير ما احتـج
ويا ما رفيت مـن الليالـي فتوقـي
ويا ما عطيت وللعطا كنت الاحـوج
مرحوم يا من شيمته فـي عروقـي
دم ..وفـي فكـري سجايـاه منهـج
مشيت دربك ليـن وقـف خفوقـي
من التعب،ما ابعدك يالفجـر الابلـج
-