ليش الغلا بين الخليلين منهان ؟؟
ليش الوفا منى على ببابك يموت ؟؟
شهرٍ مضي و الشوق فيني ولا هان
و الهمِ عم القلب و الفرح مكبوت
تايه بفكري بعد فقدك وحيران
ما كني إلا بالخلا فاقدٍ قوت
ما كل من صاحب يصاحب له انسان
خايف على خله ولا يومٍ يفوت
الا على فزعه و أخوه و سلوان
ذي خلطةٍ احلى طعمها من التوت
من يوم ما ركبك تعدى هالاوطان
احتل مكانك هم و الحب مغموت
أسعى ورى سعيك و أنا دوم ولهان
و انشر سؤالي قاصدٍ طيب مثبوت
طيبة فعولك زادها نور الايمان
و القول دايم نسمعه در و ياقوت
شخصٍ علا بالطيب اسمه بخلان
يسعى لك بنفسه يزهمك بالصوت
وين الرفيق اللي معه عيشنا زان
وين الحبيب اللي بعد بعده الموت