اقتباس المشاركة الأصلية كتبت بواسطة قوافي الليل وقفه مع الشعر والشّعـار والساحـه=من شاعرٍ في الشعر سيفه وراويّـه يوم انتخى باالحروف وجات باالراحـه=جتني مثـل فزعـة اليامـي لياميّـه الراوي اللي لفـاه الشعـر واجتاحـه=شاعـر مفـوّه وبصماتـه سعوديّـه ماني بشاعر حظر ويلـف مسباحـه=تخالـف لحـاه مـن كثـرة بلاويّـه الشعر عنـدي متاريسـه ومفتاحـه=اضبط عناوينـه بصيغـات سحريّـه بيتٍ كتبتـه حـرام تجيـه مساحـه=ياتي من الـراس للكـراس فوريّـه واليـا تغزلـت ريحـة ورد فواحـه=اعيش في الحب واسري فـي لياليّـه وان كان حربي سرى للخصم واجتاحه=وان كان في فقد غالي جات مرثيّـه ياسـادة الشعـر يانقـاد باالـراحـه=تريثـو صـارت الدعـوه اشليتـيّـه وين الحقايق وقول الصدق ومراحـه=ومنهو يدس الحقايـق نعنبـو حيّـه دشو على الشعر ناسٍ صدق نياحـه=الوزن ضايع وجـاب البيـت جبريّـه لا نقد هـادف ولا كلمـات وضّاحـه=والرد صايـر تقـول افـلام هنديّـه كم شاعره جاتنـا للشعـر سواحـه=كلامها مقتبس مـن هـرج سوقيّـه وكم شاعرٍ ضاع مسراحه ومرواحـه=ضاع الهدف منه واغثتنـي قوافيّـه انا رايت الشعر زايـد بـه اصياحـه=يبكي على حظـه الطايـح وماضيّـه من ناس جاته ولاهي فيـه سبّاحـه=لعبت على هيبتـه دبكـات شاميّـه ضاعت اعلومه معى وطفه وتفاحـه=والشعر ملحه تى فـي بنـت بدويّـه الى متى والصحاري تشبـه الواحـه=والى متى والصحافـه مالهـا فيّـه والى متى والحقايق صـدق فضّاحـه=في وقت صارت حقوق الصدق ملغيّه منهو يرد الشعر ويشـب مصباحـه=قبل الشعر يلتغـي طعمـه وطاريّـه والى متى بس والساحه هي الساحـه=كنها فلسطيـن مغتصبـه ومنسيّـه صح السااااااااانك مدد بلا عدد قوااافي الليل ... ويعلـــــــم الله لو كتبت من طلوع الشمس لغروبها .. فلا وفّيتها حقهــــا ... لذلك آقف صااامتاً امام هذه الشااامخه . تقبل تواااضع مروري .. وخالص تحيّتي دمت بحفــظ الله ورعايته ‘‘‘