اقتباس المشاركة الأصلية كتبت بواسطة أسيرة الود طبعا صحيحة واللهم لك الحمد وماشاء الله لاقوة الا بالله والله نحن على هالحال مزوح وضحك وكلام بهالطريقة مع اخواني سواء الملتزم منهم والعادي لطن هناك شرط بين البنات واخوانهم الاحترام ثم الاحترام ثم الاحترام للخصوصيات والتركيز على ان الاخ له القوامة ولو كان اصغر منك وصدقوني يالبنات اخوك لما يمنعك من شئ بجد هو شايف شئ انت ما انت شايفته اعطيكم مثالين . 1) مرة اخوية عجبني شريط غنائي عنده وطلبت يشتري لي قالي ايش تبغين به؟!!!؟.بشري وانا اخوك انا اشتريه لك لكن لااتفاجأ يوم واشوفك عند محل كاسيت تطلبين الشريط للمغني الفلاني وتذكرين كلمات الاغنية كمان الله يخليك .بس ما زاد على هلكلام ووعدته وفعلا كل ما طلبت منه اشوف علامات الامتعاض في وجهه لكن يشتريه ...بعد فترة شفت منظر نساء واقفات على محل كاسيتات وطريقتهم في طلب الشريط وكلمات الاغنية تقولها لصاحب المحل مرة مخجلة لما تكون مع الرجال الغريب مع انه نسمعها من الشريط عادي لكن في هذاك الموقف هي صعبة على الاخ انه يشوف اخته في هذاك المنظر. 2) الثانية كنا ساكنين في عمارة والشقة المقابلة لنا سكن فيها عريس جديد طلع من اصدقاء أخوي في مرحلة الثانوية كانت عادتنا الله يكرمكمنخرج الزبالة عند الباب ويجي الحارس ياخذها للمكان المخصص لها قي الشارع ....المهم ...أخوي قال ولا وحدة فيكم تخرج الزبالة تنتظرون رجعتي أو واحد من الاولاد يخرجها وما قال ايش السبب بس كل مرة يقول اللي قدامكم صاحبي لاتخرجون الزبالة تفهمون ومايزيدعلى كذا ...وبيني بينكم كنت اعتبرها غيرة زايدة يعني بالله بيطالع من الباب ومراته في البيت طبعا على التفكير الغبي كنت اخرج الزبالة يعني طنشت التحذير صراحة انا واخواتي لاحظنا ان هالجار اذا نزلنا يطيل النظر بشكل وقح كلمنا امي امرت امي ان الزبالة ما يخرجها عند الباب الاهي وامرتنا انه ما نجيب سيرة لاخونا خايفة من عصبية اخوية وتكبر السالفة المهم الله يعطيها طولة العمر خرجت في يوم الزبالة وكانت احسن منا تلبس شرشف صلاة عند تخريج الزبالة عند الباب تفاجأت أمي ان الجار المحترم قليل الذمة واقف على باب شقته باسلوب المغزل وبابتسامة بلهاء متقد ان من كانت ملتفة بشرشف الصلاة هياحدى البنات التفت امي فاذا هو صاحب اخونا وجارنا وعينه ما تشوف الا النور اعطت امي فيه بالكلام اللي يؤدبه لخنسين سنة لقدام ويحرم يعمل هالحركات هههههههههههههههههههه بعدها اذا خرجنا وكان هو في سيارتها اذاكنا في اليمين التفت لليسار والعكس اذا كنا في اليسار خخخخخخخخخخخخخخخخخخخخ يستاهل تؤدب مضبوط على يد ام عبدالله الله يشفيها ويعافيها . . . الخلاصة والله رجالنا فيهم الخير هي صح الغيرة بعض الاحيان تكون ردة فعلها جامدة مررة لكن نحاول نحتويها عشان نقدر نوصل لقلوبهم المحبة لانهم فعلا والله مافي زيهم فديتهم . وسلام أسرة الود أشكر لك طلتهك البهيه لآعدمتك وفيتي وكفيتي