وأنا أقول البنت قاعدة تمدح فيني أثاري الدعوة بها سوالف <أبد ماطاح وجهه 
والله مابها سوالف ولا شي بس أن حليفك الله يهداه مكبر الدعوة شوي
الموضوع حق وواجب تجاه اخوي الغالي تمثال الحب بمناسبة تعيينه فالرياض
وهو في نفس الوقت رد جميل لأنه الذيب أكرمني عند زيارتي له فالقصيم ,
وبما أنكم تطرقتوا للأمر احب أن أضع الأبيات اللي أرسلتها لاخوي تمثال وهي قليلة في حقه
يامتعب أهل الوفا ماتنسى المراجل والوفا ..
.. تبقى ويبقى صيتها عند الرجال الوافية
واللي يقول الحق والله ماهرج هرج القفا ..
.. لكن دوك الصدق كان الصدق كلمة شافية
أنت الوفا وأنت الصفا والجمر جمرك ماطفى ..
.. شمعت نارك يوم نار أهل الضعافة طافية
خوي درب وعز جنب وطيب راسك مااختفى ..
.. وأنا أفتخر في خوتي لك واعتبرها كافية
للعز بابيتن بجوفه للكرم قوت ودفا ..
.. ياابن الكرام أهل الشيم وأهل الفعول الضافية
ياولد حرب أفعالكم تنقش على صم الصفا ..
.. والجود عنوانن لكم منذ السنين الجافية
قلته وأنا من عزوتن ماحدن لوقفتهم نفى ..
.. عتيبة الهيلا زبن من جاء يريد العافية
وسلامتكم :)