السلام عليكم ورحمة الله وبركاته.. ما توقعت أني أكــــون في يوم من الأيام خطــــــابة......نعم خطـــابة.. بالعامي..كنت بعرس صديقتي المقربة...وبعد يومين من العرس..اتصلت صديقة من صديقات الجامعة..وسألتني عن البنت الفلانية اللي لابسة الفستان الفلاني.. تبي تخطبها لعمها.....قلتلها هارد لك..للأسف مخطوبة...طيب دوري لي على بنت لعمي.. عجبتني الفكرة...وأول ما جا في بالي "يا بخت من وفق راسين بالحلال".. طلبت منها عمره والمواصفات اللي يبيها..كان تقريبا 29...وأهم شي عنده الجمـــال.. قلتها طيب يابنت الناس..الجمال نسبي..الجميلة عندي ممكن تكون "شينة" بالنسبة له.. تعرفون وش كانت إجابتها؟ قالت لي أنا بارسلج صورة وبعدين بأرد عليج.. استغربت..وكانت الصورة لعمها..عمها العزيز شايف نفسه الجميل الوسيم اللي لما يمشي يقول "يا أرض اتهدي ماحدا أدي؟؟!!".. عالعموم بالمختصر دورت على بنت تكون كبيرة..يعني من 27 إلى 29 سنة..ولأني ما أعرف البنات بهالعمر سألت زوجات أخواني العزيزات..اللي دلوني على وحدة يقولون جميلة جدا وملتزمة ومؤدبة.. بس...... بس هذي تخوف شوي...بس عندها إعاقة بسيطة في يدها..وهذا اللي خلا كل خواتها يتزوجون إلا هي.. وبعد التواصل..وكلمت البنت عنها..عمها كان راضي فيها مع الإعاقة البسيطة...غير أن في ناس من أهلها قالوله وش تبغي فيها ..هي متعقدة من إعاقتها ورافضة الزواج.. لكن المضحك المبكي..أن أبوها اللي رفض..وقال ما تآخذ إلا من العائلة؟؟!! واللي يقهر أكثر..أن أبوها العزيز عصب..ويبيي كلم أبوي العزيز أنا عشاني أنا اللي جبت المعرس.. على فكرة عمر البنت كان 28 سنة.. ويوم فكرت أكون خطـــابة جتني كل هالمشاكــل.....فبطلت وقلت تووووووووووووووبة.. والحمدلله خطب وتزوج وحدة ثانيةوالله يوفقهم".. "نسيت أخبركم أن العم قلب علي وقالها ...طيب ليش ما تخطبيلي البنت اللي تخطبلي !!! شفتوا خطابة تنخطب هههههههههههه" أدري طولت بس بعد هالقصة الطويلة عندي كم سؤال.. -ترضى تتزوج عن طريق خطابة؟ - وشرايك بمهنة "الخطابة"؟ - لو كنت مكاني وش بتسوي؟؟! - ولو كنت مكان عم صديقتي....بعد وش تسوي؟ =) دمتم بود فجر المحبة