طفلة صغيرة هادية تمشي على شط البحر
طفلة جميلة شعرها نازل الى نصف الظهر
سالتها عن اسمها قالت اسمي سمر
الله ماجمل اسمها وما احلى لبسها
تبسمت لي وضحكت تبغاني اضحك مادرت
لو تعرف جروحي بكت تبكي حزن تبكي قهر
نرجع الى قصة سمر وقصة لقاي مع القمر
الصبح من بعد الفجر صدفة على شاطي البحر
قالت وش اسمك انت قول ترى انا عندي فضول
قلت اسمي الجرح العطيب اللي به احتار الطبيب
قلبي رحل مع الحبيب وللان ماجاني خبر
بكت وعضت بالابهام وطلت وقالت ياحرام
مسكين عذبك الغرام بحر الغرام اخطر بحر
قلت انت صغيرة ياملاك وش عرفك عن ذا وذاك
قالت اعرف انه عذاب بس ابي منك جواب
اللي تسبب بالصواب ارجوك علمني بها
اللي خذت قلبك غصب ابي اعرف اسمها
قلت اعذريني كل شي اقدر اقوله الا ذي
قالت ابا اسالك سؤال وجاوب معي يابن الحلال
هي تدري انك تحبها والا انت عاشق للخيال
قلت المهم احبها ودربي موافق دربها
وماعيش غير في قربها احبها طول العمر
قالت صحيح راعي الهوى شوفه لصاحبه دوى
يهتنون لاصارو سوا فرح وهنا طول الدهر
وهلت مدامعها وبكت قالت ياليتني مادريت
ولا سمعت انك شكيت جرحتني مالك عذر
وجاني حزن عقب الفرح احساس طفلة ينجرح
باسباب غيره ينذبح جرحت باحساسي سمر
فزيت ولين الظلام قدام عيني بازدحام
فجأة صحيت من المنام كانت حلم قصة سمر
المصدر من كتاب(نبض الفؤاد)