وما زالت الروح تنتظر ....
تعبت ... وتعب قلبي
من الشكوى
وعلى الحزن والألم
ما عاد يقوى
مدري من قسوة
قلوب البشر
مدري من الزمن
والحظ الردى ....
اللي حال بينك وبيني !!
لو هو عناد .. الروح لك تخضع
لو هو برود .. القلب لك يشفع
لكن إحساس بالقلب
والروح بدا يكبر .....
لو نقسم الشوق بينك وبيني !!
تلاقي قلبي من شوقه ذايب
يشتعل جمر وأنت غايب
تبى تعرف عن الشوق اللي بقلبي
لو أكتبه عدد الأوراق ما يكفي
شوقي أكبر من حروف وخاطرة
وأبعد من حدود النظر
تعبت من السؤال ...؟
سألت البحر ... صمت وأعتذر !!
سألت الليل .. اشتكى من السهر !!
سألت الشمس ...
ليه القلوب من الشوق تنتحر !!
ليه القلوب من الشوق تشتعل جمر !!
قالت هذا طبع في قلوب البشر !!
والشوق ماله عذر ....
لو تسافر في قلوب البشر ..؟
لو تعد أوراق الشجر ..؟
مثل شوق قلبي ما تلقى أبد
في قلبي يشتعل .. وبإحساسك يذوب ...
لو مات الأمل ..
ما نبض الحب بالقلوب !!
وكل حزن بالشمس ..
يتبعه أجمل شروق !!
ليه العذاب ..
والدمعة يسكنها الحزن والألم
ليه الجراح ..
كلمة تجرحنا ويتبعها ندم
ليه ترحل الأماني ..
ويضيع مننا أجمل حلم ....
ماذا تريدين أيتها الروح ....
قلب ينبض بالحب
يذوب في الروح من الشوق ...
قلب يعشق بجنون
فلا يغدر أو يخون ...
قلب طبعه الوفاء
يسامح ويتجاوز عن الأخطاء ...
وما زالت الروح تنتظر .....