ثانيا : الاكــــــــل
اذا الطفل لسى يعتمد عالحليب خذي اللي يكفيه من الحليب من نفس النوع
لانو مو شرط تلاقين نفس الحليب هناك
من تجربتي ، لفيت 3 دول في اوروبا ادور على سيميلاك ،، مالقيت ،، في الاخير اضطريت وخذت له من نستله نوع شبيه بـ نان بس مو نان ،، وما تقبله طفلي ابد
طبعا بالنسبه لتعقيم الرضاعات ،، صعبه الواحد ياخذ معاه جهاز التعقيم ،، بياخذ مساحه وبيسبب ازمه في الشنطة
بس شوفوا هذا الشي
هذي اكياس تعبينها مويه وفيها حبتين معقم ،، تحطين فيها الرضاعات لمده معينه وتتعقم وياسلام سلم وممكن تنشرى الحبوب المعقمه بدون الاكياس
لقيتها في مذركير
برضو فيه حاجه حلوه ومفيده وهي هذي
هذي الله يسلمكم مسخن للرضاعه على بطاريه السياره
حلوه لما تكونين طالعه فتره طويله وتكون مويتك بردت
طبعا الافضل اذا بتطلعون فتره طويله تسوين نفس طريقه الطياره تحسبين كم رضعه بتكفي وتشوفين وتحطين الترتيبات في شنطه بالاضافه الى ترمس مويه دافيه عشان تسوين الحليب فيها
بالنسبه للطفل اللي بدا ياكل ،، صراحه ماعندي خبره في هالنقطه كثير بحكم اني سافرت مع طفلي وهو كان بس عالحليب
بس لفلفت عالمواقع الحلوه وجبت لكم كم شغله مفيده
شوفي هذي زي المصاصه بس تحطين فيها قطعه فواكه والا خضار ويصير يعرمش فيها ،، يعني عضاضه وفي نفس الوقت بيتسفيد من السوائل اللي يشربها لان فيها فيتامينات
هذي مطحنه (يارب اسمها صح) للاكل ،، يعني تهرسه ،، عجبني فيها حجمها حلو ،، مع اني صراحه قد لقيت وحده اصغر منها
بس مو محصله صورتها الحين ،، يعني ممكن وبكل سهوله تهرسين لطفلك الاكل اللي يحبه
وممكن تحطين الاكل المهروس في هالاكواب المعقمه
وبعدين تحطينها في هالشنطه الجميله اللي تحفظ الحراره
وبكذا يكون معاك اكل طفلك متى ما احتجتي تقدرين تطلعينه وتوكلينه
نفس الشي لقيت هذا ينفع اذا كنتوا مسافرين في السياره والولد يبغى رضعه بدل ما تمسكين له الرضاعه هذا الشي يساعد
برضو شوفوا هذا الكرسي مررره عجبني ينفع اذا رايحين مطعم والا حديقه
حلو وحجمه صغير ويفك ازمات
يتبع