.
.
.
.
.
إن كنت ناسي يا بــــعد كل ناسي
والله منسى في وجودي وجودك‘‘
يا صاحب( الصبح )المصافح لياسي
إشتقت لك وإشتقت حيل لردودك
رحت لبعيد ونصبوك الكـــراسي
وآنا لي الله مالي إلا جــــحودك‘‘
فيما مضى كنت القريب المواسي
والكود حتى صار كودي وكودك‘‘
لكن خساره ما حصل منك..قاسي!
وكفوفنا ما فوقها إلا وعـــودك ..‘‘
كنت أحسبك يا شمعة الكون (راسي)
مايوم فكرتك تعدى حــــــــدودك‘‘
مثلك أبرحل بس ما احنا سواسي
عكس اتجاهك ..واتجاهي صدودك‘‘
.
.
.
.
.