تعذر ياغلا داري وعذرك ياغلا مكشـوف=وخاصمني وجافيني واتركني علـي نـاااري
جنابك يختبر ودي وعندك ذا الخبر معـروف=واشوفك تطلب اخباري و عندك جملة اسراري
تمنيني وصاالك دوم وانا بك هايـم متلـوف=واذا حان الوصال تقول لفونا اليوم خطـاري
وتتركني بدون اعذار وتخلف وعدك المخلوف=وترجع تعتذر وتقول احبـك ياهـوي داااري
واذا مني نويت الصد تجيني تشتكي ملهـوف=توسلنـي ترجانـي وكنـك قـاري افكـاري
وهذي حالتي وياااك مابين الرجاء والخـوف=وقلبي في بحـر ودك دايـم دوم سمـاااري
انا وياااك في حيره ومعرف حلهـا يااانـوف=ومدري كيف باصدق وداد البايـع الشـاري
انا لولا عهود الود نحرت الود لك بسيـوف=دفنته واستراح البـال لا عيـب ولاعـاري
الا يامستمع شعري وتعرف قصتي وتشـوف=دخيل الله دلونـي علـي مايطفـي النـااري
تعالوا وانظروا حالي تراني م العنا منحـوف=كني مـن غريـب الـدار لاجـار ولا داري
وهذي قصتي ياناس كتبت احروفها بحـروف=من اركان الضمير اللي يترجم نخبة اشعاري