لحظه حبيبي قبل يسبقنـي النـوم..
بضم صدرك لين تصبح على خيـر
إفتح شبابيك الهوى جيتـك اليـوم
بإحساس من زود الوله عده يطير
جيتك مثل طفلٍ له أيـام محـروم
عن حضن أمـه أبعدتـه المقاديـر
وجيتك مثل عودٍ له أيام مهمـوم
وده يلاقي بأخـر الوقـت تقديـر
وجيتك حضن عاشق وهايم ومغروم
وده يضمك لين تصبح على خيـر
متى تحس إن الهوى شي مقسـوم
من قسمة الخالق على خلقه يصير
ومتى تحس إني لك أطيـح وأقـوم
وأتعب على شانك وأقدرك وآغيـر
لي في هواك أحلام وأمال وعلـوم
وأحزاب وأصحاب وقصيد وجماهير
وهموم وأفكار وهواجيس وحلـوم
ودروب وأخطار وعذاب ومشاوير
وحب وغلا وإخلاص ومعاند ولـوم
وإحساس وإلهام وشعور وتفاكيـر
لحظه حبيبي قبل يسبقنـي النـوم
بضم صدرك لين تصبح على خيـر