جمرني ابدفا من التجمير
جمرني ابدفا من التجمير
وابفرح و لو النفس نقاده
ياسنة ثمان وعشرين مابك ظير
بك يوم ميعادي بميعاده
جبه وجبني صب ذايب مير
معاه خاتم شوق وقلاده
ووجه رسايل دعوه وتحذير
لاشياءنا اللي غير معتاده
لاحلامنا الواجد عن التحرير
وقصة سجين يحب جلاده
ووسائل التشويق والتأثير
والشعر بوصوله وبأبعاده
والغيم وزخات المطر والطير
وبخار فم البرد وقناده
وسيد جنيد وسيده كارتير
وبكلات ليل بشقر سواده
والقبعه والمعطف الحرير
والنادله والقهوه الساده
والمرحباه اللي لها تخدير
وقلم ودفتر سلك ووساده
والنمل والنسناس والنوير
وابو علي واجداد اجداده
وابو عمر والسايس الفقير
وجنايني الشتلات ابو غاده
والصبر والفراش والتقدير
وبنات كل الحي واولاده
في شارعه يتجمعون عصير
للتهنئه بعيد ميلاده
ولاخلص التصفيق والتصفير
من كل مجموعه طلع قاده
قالوا رجاء مانبي تاخير
ردوا ورانا بذوق واجاده
مع بعض كل عام وانت بخير
يااغلى بشر ياسيد الساده
تكفى وسامحنا على التقصير
والله يزود في عمرك اعياده
وانا اللي احبك محبه غير
من قلبي ومن فودة افواده
كل عام وانت بخير وانا بخير
وكل عام وانا احبك زياده
وكل عام وانا اكافح التغير
وكل عام ولاانت على العاده
وكل عام وانا امووت التفكير
واحبك باصرار واراده
وكل عام ودموعي عليك تحير
وهذي السنه بالذات هداده
وكل عام تكبر به ترد صغير
كأنك تسوي لوجهك اعاده
ياكبدي اللي معك كبد بعير
مرددن غاربه لشداده
وياحب قلبي لقلبك الشرير
الابيض اللي عناده عناده
سياسه التوطين والتهجير
ماخلت الفقير في بلاده
والله كبرنا والاماني بير
مصداره يشابه ل ميراده
اثنين وعشرينك عساها تصير
ميه على عز وعلى عباده
ياحبي الاول والاخير
اللي قديمه ورث اجداده