[مُذهله ♥ ~]

~

يا يمه لا لا تسألي / هالدمعه لي طاحت تون
يا يمه هالدمعه تقول أشياء كثيره .. بالونين
يا يمه بنتك عيبها لو تبعد اشويه تحن
قلب صغير ربّته ( دنيا ) و سمّتهِ الحنين
لا تسأليني عَنها ما جَت على ما كنت أظن
دنيا قساوتها حجر .. صعبه لأمثالي تلين
دنيا كريمه لا بغت تجرح // و بالفرحه تِضن
تسرق ملامح ضحكتي وْ تتركني بوجهٍ حزين !!
حتى خفوقي لا انجرح منها محال إنـه يئن
..في شرعها ما يشتكي مجروح و لا يصرخ طعين
واجد خذت يا ميمتي / تاخذ . و ثِمْ ترجع تمن
!!لو ذقت حاليها سنه .. أتجرّع العلقم سنين
يمه تعبت إمن الألم .. ظالم و لا ودَّه .. يحن
لكن أبصبر و ارتجي / لي ربْ .. رحمنُ و يعين
بس إنتي ( لاعَادْ ) تسألي و إن شفتي ادموعي تجن
ياما و ياما بهالدموع أشيا كثيره ما تبين ..!