تسولــف لي عن الضيقــــه وانا عنوان للحرمان
دخيلك لا دخيـــــل الجرح لا تكشف معاناتــــي
دخيلك لا تشجعني اسولـــــف واكسر الكتمـــان
تعبت من السكوت اللي تعــــود يسكن بذاتـي
عليم الله مافيــني شبر يضحــك فرح واشجـــان
انا لو جيت ابضحك لك اجيك اضحك بدمـعاتي
حياتي شعرن وشاعر وجمهوري بقايــا انســان
ونقــادي زمــن قاســي ولايفهــم معانــاتــي
اناظر للبشـر حولي احد يضحـك واحد طربــان
وانا صعبـن علي اضحـك اسايرهـم بضحكاتــي
عجزت اكـذب على نفسـي بفرحـه مالهـا ألـوان
وحزنـي ماعجــز عنـي بـدأ يرسـم نهايـاتـــي
طريقي صعب وجروحي كثير وداخلي ضميـان
ابــي لو يــوم واحــد احــاول اجمـع شتاتــي
انا قصـه تبعثــرت وتطايــرت بـ زمـن خــوان
تعلمـت اخسـر البسمـه واداري عضــة شفاتـي
ابكتــب وبالخــط العريــض وريشــة الفنـــــان
انـا الخســران توقيعــي وانا الخســران بصماتـي
اكمــل لـك عن الضيقـه واكمــل لك عن الاحـزان
تأكــد لو بكمــل لـك تصيــح وتطلـب اســكاتــي