يا خاطفي وين ألقى عزتي في زمان المذلة !
:::
:::
:::
بعد صلاة المغرب
تردد صدى بكآهآ في البيت .. منذ سآعآت وهي تنتظر عودتهآ غيابهآ المفاجئ أفقدهآ التركيز وأصابهآ بالجنون لا تتحمل غيات فكيف بسآعآت !!
رغد برويه تخفي خلفه قلقها : أهدي ياهنادي مايصير كذآ
هنآدي تلف البيت بضيآع وتبكي بحده: بنتي مدري وينهآ كيف تبيني اهدأ
رغد مسكتهآ ولفت يدهآ على كتفهآ: ياحبيبتي شوفي بندر وجلالي رآحوآ يدورونهآ انتي تعوذي من الشيطآن وبترجع لك
سمعوآ جرس الشقه أندق وركضوآ له ودخلت فرح بيدهآ أكياس كثيره
ضمتهآ لصدرهآ وبكت بحرقه: وين رحتي خوفتيني عليك
فرح تضحك: صديقي جاء أخذني وأشترى لي كل هذا " وترفع الأكياس "
هنآدي تمسح دموعهآ بأستغراب:أي صديق
فرح بعيون بريئه : هذآك اللي في الحديقه ياماما
هنآدي ( معقول يكون باسل ؟) تركتهم وركضت لشباك غرفتهآ بعدت الستاره وشافته يركب سيارته حطت يدهآ على فمهآ ونزلت دموعهآ بأنسياب ..غمضت عيونها وبصدرهآ حرقه شوق ووله وحنين
هنآدي( ليش تكسرني ياباسل ..ليييش ؟)
رغد شالتهآ بحب: ليش يآ خالتو تروحين مع نآس غريبين ؟
فرح: هوآ ياخاله قال نروح مع بعض
سحر بحده: مو كل الناس نروح معهم من اليوم مافي حوش
فرح بزعل: والله هوآ قال حتى كآن يسألني عن مآمآ
رغد جلست وجلستهآ جنبهآ ومسكتهآ بحنيه: شوفي فروحه مو كل شي تقولينه للناس بعدين مآمآ هنآدي تزعل عليكِ
فرح كشرت: لا مابغى ماما تزعل
رغد ابتسمت : طيب يالله روحي بوسيها وقولي انا اسفه
دقت الباب بشويش وفتحته شآفت أمها وآقفه عند الشباك وتبكي ..ركضت لهآ وضمتها بقوه
شآلتهآ والدموع على خدهآ
تسللت يدهآ الصغيره لخد أمهآ لتمحي دموعهآوهمست: مآمآ انا أسفه ..خلاص لاتبكي
هنآدي ابتسمت لهآ : مآراح ابكي بس المره الثانيه ماتروحين مع ناس ماتعرفينهم
هزت راسهآ بالأيجآب وطلعوآ للصاله على صوت جرس الباب
سحر بأستغراب: مين بيكون جآي ؟!
رغد تهز أكتآفهآ بسلبيه : الله أعلم روحي أفتحي الباب
فرح : لآ انا بروح ..سبقت سحر للباب وفتحته
شوق شالتهآ وباستهآ: هلا ياحلوووه
فرح بصوت عالي: خالتو شوق
شوق : ياعيون خآلتك وروحهآ " باستهآ " وين امك ؟
فرح تبعدهآ وتركض لعمهآ الذي تعشقه جدآ لحنآنه وحبه لهآ وشعوره بالذنب لأبتعآد ابيهآ عنهآ : عمموووو
فهد يترك يد رآكآن ويفتح يديه لهآ: ياروح عمك .. وحشتيني ياقمورتي
شآلهآ وضمهآ لحضنه : شو عاملين الحلوين ؟
فرح تبوسه: عمو اشتقتلك لآ تسافر بعيد زي بابا
فهد ابتسم: خلآص شوفينآ رجعنآ .. وجايبين ركون عشآن تلعبون مع بعض
فرح تضحك: ركون عندي العآب كثيره يالله نروح نلعب
رآكآن ببرود: بجلس مع بابا
فهد يطالع بأستغراب أول مره يطلب يكون معه وبرغبته: طيب جيبوآ الألعاب وتعالوآ عندي
نزلهآ وركضوآ لجوآ
فهد تنهد بقهر ( الله يصلحك ياباسل .. عآيشه كأنها يتيمه )
دآخل الشقه
بعد السلآم والاشوآق وحنين الأروآح والحب النقي
شوق: بشروني كيفكم ؟
رغد تأشر عليهم: زي ماتشوفين كلنا بخير وعافيه
شوق: الله يديمها يارب
سحر: انتي كيفك وكيف صحتك ؟
شوق ابتسمت كسابق عهدهآ بالرضا: الحمدلله مبسوطه وصحتي ماعليها كل يوم تتحسن اكثر
هنادي : الحمدلله هذا المهم
سمر: كيف زوجك ورآكآن ؟
شوق بحب صادق: احلى اثنين أهدآنياهم رب العالمين الله لايحرمني منهم
سحر بغمزه: طلعي المستخبي
رغد: ياعيني على الحب
شوق تضحك: وأما بنعمة ربك فـ حدث ...خلوني اعبر يابنات
هنادي: عبري احد مآسكك ؟!
سمر بلقافه: شوق تركتي زوجك لحاله
شوق بتعب: والله مافيني اروح للمجلس رجولي تكسرت من الوقفه
سحر : ههههههههههه توك تتغزلين فيه
شوق : ياربي منكم تحرجون الواحد
اليوم اللي بعده
أجتمعوآ الكل في بيت أبو مهآ ... بعد حلفآن بندر على فهد بمكوثه عنده وعزيمته لوصوله بالسلآمه ... الكل حضر العزيمه وازدحم المكآن بالمتوآجدين
عآئله ابو هديل – عائله ابو سامر – عائله يوسف بالكآمل – عائله سيف – عائله بندر – وليد وزوجته – عائلة أبو لينا
ريم: مهآ روحي أجلسي محد غريب
مهآ: لا ياقلبي العزيمه عزيمة زوجي لآزم أقوم فيهآ
سحر تطلعهآ من المطبخ: شكل مآيعجبك شغلنآ .. روحي عند الحريم في المقلط حنآ نسوي القهوه ونجيبهآ
مهآ ضحكت: اوكِ على راحتكم
ريم تجهز الصينيه: بكره يطلع ولدك مشوهه يقولون منآ
مهآ: أقول ريم رحتي كشفتي ؟
ريم كشرت: أيه يقولون سليمه
مهآ ابتسمت لهآ: يالله الله يرزقك بالذريه الصالحه كل تأخيره وفيهآ خيره
ريم : الحمدلله على كل حال انا راضية بقسمتي ونصيبي مآ أخر الله حملي الا لغآيه
سحر : ياعيني على الكلام اللي يشرح الصدر ايوه خليك كذآ حبيبة قلبي فديتك
بالصاله
دخلت عليهم ولقتهم يلعبون مع بعض ضحكت على أشكالهم .. لأن رآكآن فارض قوته عليهم ويدآفع عن فرح
هنادي( ههههههههـ هنآ يطلع ولد العم الله يحفظك لأهلك ياقلبي )
رجعت للغرفه وجلست مع البقيه عدت الليله أنيسه وفَرٍحه بتوآجد الكل ومقربة زفآف سمر وسحر بآن وآحد
شهد قفلت الجوال وابتسمت لهم: الله يحيكم بكره على عزيمه يوسف
شوق كشرت: مآله دآعي يا شهد
شهد: والله هو قال أبلغكم أنه بيحجز أستراحه ويجمع الكل فيهآ
سمر تهمس لسحر: ونآآسه لو يسوون لنا توديع عزوبيه
سحر تدقها: انكتمي فضحتينآ
سمر: مايحق لنآ نفرح بأنفسنآ شويه ؟!!!
سحر تطالعها بنظرات حاده: اقول احمدي ربك انك بتتزوجين سآمر
سمر غمضت عيونها وقالت: يووه متى نصير ببيت وآحد
سحر ببرود: بتشبعين منه يالمشفوحه
سمر لفت عليها:والله اشك انك ماتبين تتزوجين
سحر تسكتها: شكيت لك ؟.. يالله عاد اووش
أم يوسف : هاه يارغد مآفي شي بالطريق
رغد ضحكت: لا ياخاله بدري علينا تونآ عرسان
شهد بفتنه: قولي لها ياخاله خليها تشد الهمه تحسب نفسهآ بزر
ام يوسف: هههههه لا يابنتي مافي أحسن من الضنآ جيبلك ولد يشيلك في كبرتك
رغد انصبغ وجههآ بالأحمر من الاحراج وبعيونها وعيد لشهد اللي تضحك ومنبسطه على شكلها
ام يوسف: وألا انا غلطانه ياشوق ؟
شوق: معك حق يأم يوسف ..خلي حركات الدلع على جنب
رغد : طيب خلاص يصير خير
شهد : شوف كيف تسايرنا
مها: ههههههههههههههههههه خليها ماتشوفينها كيف منحرجه ؟
رغد: لاتخلوني اتهور خلاص
مها تحشرها: تتهورين بأيش؟!
رغد ترقع: اطلع من بيتكم وما اجيكم بكره
شوق: والله براحتك
هنادي بنذاله: تريحينا شوووي