السلام عليكم ورحمه الله وبركاته...
هلا بأعضــاء الـــود
حوارنا اليوم عن الزواج من اجنبيه ايجابياته سلبياته انواعه امثله عليه يعني كل ما يتعلق بهذا الموضوع واتمنى من الجميع طرح ما في جعبته ليستفيد الجميع من تجارب وافكار الآخرين...
انا بتكلم شوي وانتم بعد ياليت تتكلموا وبكل صراحه ولا احد يرد اي كلمه في صدره:
نبداء بالسلبيات:
1-ما تتكبده من صعوبات بين فتره وفتره عندما تريد زوجتك الأجنبيه زياره اهلها في بلدهم.
2-الأجنبيه تكون متعوده على الطلعات والروحات والجيات وانت يالسعودي راح تحجرها بين اربع جدران طول اليوم واذا كثرت طلعت فيها لمطعم ورجعتها هذا بعد ما تلبسها عبايه وغدفه وتغطي كل جسمها وهذا بعد شيء ما تعودت عليه وبالتالي يمكن تطفش الزوجه الأجنبيه.
3-في المستقبل يمكن اولادك وبناتك ينتقصون من قبل المجتمع لأنهم عيال الأجنبيه وبعض الحريم ما يزوجون عيالهم لبنات سعوديات واذا سئلت ليه: تقولك أمك يا وليدي هذي ما تنفع هذي امه
من الجنسية الفلانيه! ! !
يمكن يكون معهم حق بعض الشيء بس مو عيب كبير يخليك تصرف النظر عن البنت...
4-تربيه الأولاد يمكن الأولاد يجلسون مع امهم اكثر مما يجلسون معك وبالتالي راح يتأثرون فيها أكثر منك وتجي انت معزوم في مزرعه في بريده وتنادي ولدك قدام الرجال تبيه ينزل البشت حقك من الجيب وتناديه وتقول: سكب يا ولد يا سكب يجي يرد عليك قدامهم ويقول: عاوز آيه
او و أو أو . . . . . . . . .
6-عيالك ما يدخلون الكليات العسكريه. (ما دخلت انا وانا عتيبي وامي شمريه يدخل ولد اللي من برا )
والسلبيات كثيره بس انا متحمس للحسنات عشان كذا بقول بعضها:
1-العرس ما يكلفك عشر الآف ريال سعودي مع شهر العسل بعد مو مئه الف![Rolleyes](images/smilies/rolleyes.gif)
2-تلاحم الحظارات بحيث مثلاً يختلط دمك البدوي الأشهب الصحراوي بدم فرعوني نيلي اكيد راح يطلع جيل ولا احلى.
3-اكثر الأجنبيات القليل يفرحها ولو تشتري لها خاتم ذهب طارت فيك ودلعتك وخلتك قيصر الروم مهوب زي بعض الناس تجيب لها خيشه ذهب وتقولك بليله الدخله ابعد عني يا معفن ما ابغاك تخرب الميك اب حقي روح نام بالصاله
4-تطلع انت والمدام الأجنبيه وعيالك تزورون خوال العيال في خارج المملكه وتغيروا جو.
وغيرها من اسبـــاب
الســــؤال
هــل تؤيــــد الــزواج من فتـــاة من غير بلــدتك؟؟؟
مع ذكـــر الأسبــــاب
منقووووووول
أختكم
ليــان المملوحه. . .