مجانين مع وقف التنفيذ
مع الشروق هم.
ومع الغروب سوالف ليل.
وبين الشروق.
و الغروب .
مجانين تنتظر عقولها.
بين الشوق.
وبين الغياب.
مسافه قطر.
وبين التفكير والرحيل.
مواعيد تنتظر.
يا جداول الشوق غضي بالنظر.
مايفيدك مجانين لعقولها تنتظر.
احسبي اوقات الرحيل.
مابين لقاء وبين موعد.
وبين انتظار يرتجي منك وصال.
يالسوالف الراحله من عيون ادمي.
يا الدموع النازله بارض مابها وفاء.
يا الصحاري اللي اتعبها كثر الونين.
لا تطرقين بيبان بيوت سكانها مجانين.
لا تنتظرين فزعه من ناس عقولها بعيوني سوى.
اه يا المسافات الضاحكه.
اه يا المسافات الباكيه.
اه يا الشوارع اللي تنتظر نور الفرج.
اه يا الليل.
والمواعيد اللي بجداول الشوق.
كم اتعبني السهر.
كم اضحكني .
وكم بكاني.
وكم اضحكته.
وكم اوعدته.
وكم عنيته..
وكم عناني.
كم .
كم.
كم.
مدري عددها كم.
بس الاكيد.
من عرفته.
وهو يبكيني.
تعالي بين اطراف اصابعي.
واحسبي كل مسافه بينهم.
واجمعيها مع بعض.
واطرحيها من عمري.
يبان لك..
عيون المواعيد اللي جالسه تحتظر.
تعالي احسبي مسافات الشوق بين ضلوعي.
واحسبي معها دقات قلبي.
واحسبي اول يوم من اللقاء.
واحسبي اول اسبوع من الشقاء.
واحسبي معها الشهر اللي مضى.
واحسبي السنه تلو السنه.
واحسبي الثواني والدقايق .
والساعه المتعبه.
واحسبي اطراف المواعيد.
واحسبي كم راس سنه ماتت.
وسنه.
واحسبي عدد المشاعر اللي ماتت على راس كل سنه.
واحسبي بيبان الرحيل.
كم عددها.
وكم منها اقفل.
وكم منها مشرعه.
واحسبي عدد الورد اللي لك زرعته.
واحسبي عدد الشوك اللي منك حصدته.
واحسبي الفراغ اللي بسببك وجدته.
واحسبي الامكان اللي بين مشاعري لك تنتظر.
واجمعيهم مع عدد نظراتك لعيوني.
وقتها تعرفين.
ان العاشقين.
(مجانين مع وقف التنفيذ)
بدر |