يــــــوم...ميـــــلاده...!!؟

غــــــالية · 20-10-2002, 07:38 AM

اشرقت شمس يـــومه علي بضيــاها
ودهـــا تهنيني فيه..وعتــاب الفرح فاضــح

يوم ميلاده اللي بهوا انفاسه اتنفس هواها
انــا..وطيفه..تسامرنا وذا الجرح ابتسم سامح

شموعه بضوها تبكي وقلبه بعيني ماوحاها
سألتني حلــومنا..وقلت اسألــوا الرايـــح

اسألو من جرح روحي وبغفلة الكبر نساها
اسألوا من اسكني عذابه..واسكنته حنيني الجامح

انـــا..والذكــرى..والخيـــال..وصورة ابقــاها
في هالليله هنيته..ودموع عيني ملتني البارح

اقـــوله:كل عـــام وهو بخيــر..ويعيده معاها
دنيته اللي قسٌته علي...ومن يــومها وانــا مسامح

مخطف البنات · 20-10-2002, 08:27 AM

اختي

غـــــــــــ ليـــــــــــه ـــا ....

اذا كان عندك عيد ؟

عندنا فقر الحب :( :( :(

.................................................. ....

فقير الحب ابترك لك مع احزانـي غديـر iiوجـال
ابتـرك لـك بقـايـا حـلـم لاودى ولا iiجـابـي

ابترك لـك همـوم ازمـان طايشهـا يهـد iiجبـال
ابـي منـك ارذل ايامـي تجينـي تعلـن iiغيابـي

تعبت مـن الحيـاه اللـي بديناهـا بلعـب iiعيـال
بديناهـا علـى النيـه رفيقـي اطـرف iiاصحابـي

سنينٍ كنـت اشـوف ان الهـوى متكبـرٍ iiمختـال
واقول اني قبـل لا احـب لازم احسـب iiحسابـي

زمانٍ كنت اقول ان القصيـد مـن الرجـال هبـال
واقول ان اخـر ازمانـي اخـط الشعـر iiبكتابـي

سمعت بقصة اهل العشق لكن كنـت اقـول يقـال
سمعت اعن الشقا والجـرح والدمعـه iiوالارهابـي

سمعت اعن الزهر والماء سمعت بصاحب iiالتمثـال
سمعت اعن السهر والليل سمعت ببعـد iiالاقرابـي

نويت اشرب لك الدنيـا مثـل مايشـرب iiالفنجـال
نويـت اقـوّم الدنيـا واقعـدهـا عـلـى iiبـابـي

نويت اسرج لك احلامي واكـون لمهرتـي iiخيـال
نويت اطلق عنان العشق واعشق عكـش iiالاهدابـي

بخصت اهل الصدور وحرت وشلون الصدور اقفال
تفقـدت المخـابـر مابقـالـي ظــن iiماخـابـي

قنعت من المسافـه دامهـا كـل الـدروب iiطـوال
تعبـت اطـارد المجهـول قبـل ابـداه يبـدابـي

تعبت من الشتات اللـي يسمونـه شتـات iiالحـال
تطـول الرحلـه ولابـدّ يـوم انــوّخ iiركـابـي

لقيتـك يافقيـر الحـب حسنـك ماعليـه iiجــدال
بديت احـاول اوصلّلـك بديـت ابديلـك iiاعجابـي

بدايغرينـي اسلوبـك تجينـي كـل يـوم iiبـحـال
تجيني تسـرق احساسـي تـروح بخافـقٍ iiذابـي

رحلتي والغياب اقشر سألتك عـن لقـا iiووصـال
سألتك من يكـون اغـرب غريـب ساكـن iiثيابـي

بغيناهـا بمزحـه جاتنـي رزحـه وضيقـة iiبـال
عرفت اني بديـت احـب وانـك اخـر iiاحبابـي

بديت اعزف على جرحي واغني بالحـزن iiمـوال
بديت ازف لـك همـي واطيّـر باقـي iiاسرابـي

كتبت من القصيد اللـي قطعلـك بالغـرام iiاميـال
كتبته غصب عني يـوم شفـت القلـب iiمنصابـي

عرفت ان الزهر ذابل واعرف ان العطـش iiقتـال
يشيـب الليـل ويزيـد الشقـا والجـرح iiماطابـي

فقير الحـب مهمـا كـان هـذي دمعتيـن iiوجـال
ابترك لـك بقايـا انسـان حـاول يـوم iiتشقابـي

.................................................. .....

ومشكوره على المشاعر غاليه .....
<<<<<<<<<<<<<<<<<<<<<<<<<<<<<<يقوله من دون نفس
:D :D :D

مـــــع تحيـــــــ مخطف ــا

غــــــالية · 21-10-2002, 02:44 AM

هلا اخوي مخطف..مشكووور..على اهتمامك..وتعليـــقك...مع اني والله ماقدرت استشف اعجابك من عدمه..بقصيدتي..بس على كل حــال تسلمممم يالغالي..<<<وربي ماتزعل(روحها رياضيه)

المعذب · 21-10-2002, 04:30 AM

تسلمي يالغاليه (( غاليه )) على هذه الكلمات الجميله . تحياتي لكي ،،،

محمد الشمري · 21-10-2002, 10:59 AM

اختي الغاليه

غاليه

القصيده فكرتها رائعه

ولاكن تحتاج منك الى بعض التركيز كي تتمكني من الوزن

تقبلي التحيه ووجهة النظر

وكلي اسف ان تطفلت على ماكتبتي

دمتي

غــــــالية · 22-10-2002, 07:23 AM

تسلم يالمعذب..كلك ذوووق يالغالي..
:)

مشكووور اخوي محمد على هذا التعليق..عموما هذه القصيده..من بداياتي في الشعــر..يعني يمكن فيها..تقصير شوي..ماكنت متمكنه مثل الآن..بس قلت اطلعلكم قديمي وجديدي..وعلى كل حال..تسلممم يالغالي.. :)