بسم الله الرحمن الرحيم
كيفكم بنات
ذاكرتوا وحليتوا واجباتكم وحضرتم دروسكم علشان تشاركون بكره
تذكرون الاجازه اللي كانت اسبوع
راح اقول لكم وش صار فيني
هذا الله يسلمكم يوم الخميس جا في بالنا نروح البحر
يوم رحنا تفاجئنا
المكان مره مره مره زحمه
اكيد راح يكون زحمه
نص اهل الرياض قضوا الاجازه اللي اسبوع في الشرقيه تصدقون بنات حتى واحنا واقفين عند الاشاره واحد في السياره مع اهله الظاهر توهم واصلين الخبر
قعد يأشر الابوي
راح ابوي ونزل الزجاج حق السياره وقال آمر
قال الرجال": بالله عليك يالأخو وين الكورنيش
وصف ابوي له الطريق ويوم دقت الاشاره خضراء مشوا عالكورنيش
المهم
نرجع لمحور حديثنا
يوم وصلنا للبحر
بالموت لقينا مكان نجلس فيه
حتى جلسنا بعيد عن البحر
يالله معليش قلنا نخلي اهل الرياض يستانسون
جلسنا بعيد عن البحر ونزلنا البساط والشاي والقهوه والحلى اللي سويته
ياااااااااااااااه يا بنات لايفوتكم الحلا اللي سويته يجنن
حده حلو
تبغون مقاديره
يالله اكتبوا
يووووووووووو صح نسيت هذا قسم الترفيهي مو قسم الحلويات
ماعلينا نرجع لمحور حديثنا
وين وصلنا
ايه تذكرت
جلسنا بعيد عن البحر ونزلنا البساط والشاي والقهوه والحلى والمعجنات
وتقهوينا وسولفنا وكنا نتفرج على البحر
صح القعده جنب البحر احلى بس شنسوي مالقينا مكان
المهم
يوم كنت اطالع بالبحر تذكرت ايام زمان
يوم كنت صغيره
يوم كنا نروح للبحر وافصخ ملابسي
طبعاً مو كلها لايروح بالكم بعيد
وكنت اتسبح بالبحر واغطس ويعنني محترفة سباحه
واجمع الاصداف >>>>>>يقالي بسوي عمل فني
واذا مليت من السباحه اروح واسوي قصر بالرمل
ويوم خلصت من ذكريات الماضي الجميل
قلت لأبوي: يبه ودي اتسبح
اعطاني ابوي نظره بعيونه كأنه يقول ما ودكم تنثبرين
انا: يبه الله يخليك والله ودي اتسبح من زمان ما تسبحت بالبحر
ابوي: مجنونه انتي ولا صاحيه تبغين تتسبحين قدام الناس وفي هالزحمه
اذا رجعنا البيت عبي المسبح واتسبحي الين تقولين بس
انا: لاااااااااااااااااااااااااا مو الحين بتسبح .... اذا ظلم الجو وخفت الزحمه نروح جنب البحر واتسبح
ابوي: اها ........... بس بتوسخين علي السياره مويه وطين
انا: لا ما راح اوسخ
ابوي: طيب خلاص
انتظرت المغرب بفارغ الصبر وقعدت اتخيل شكلي وانا اتسبح
واغطس بالبحر وبعد ما اذن وصلينا وبدا الجو يظلم بس الانوار وضوء القمر كانوا منورين
ان شاء الله تكون الصوره واضحه لكم
[COLOR="Blue"]المهم صار البحر شبه فاضي يادوووووووووووووب كم سياره بس
ركبنا السياره ورحنا جنب البحر
قال ابوي: يالله قدامك عشر دقايق بس
انا: لا وشو عشر دقايق خلنا ننزل
ابوي: لا الجو مو حلو
امي واختي واخوي نزلوا وراحوا عند البحر وابوي معاهم
وانا نزلت واخذت البساط وحطيت الشاي لاننا ماشربنا الشاي تقهوينا بس
ابوي: الحين من قالك تنزلين البساط ما قلت لك عشرر دقايق وبنمشي
انا: حرام ما شربنا شاي الترمس مليان بنروح البيت ومحد بيشربه>>>>>>>>>>>>> ان كيدهن عظيم
ابوي: طيب صبي
يوم انا اصب سمعت اختي تصارح وتقول يمه يمه شوفي اللي بالبحر وش هذا
ناظرت امي وقالت: يووووو هذا سرطان البحر شكل البحر مليان
يوم سمعتهم قمت ورحت اشوفه
قالت امي : انتبهوا لا يقرصكم
راحت امي وابوي وجلسوا يشربون الشاي
وانا قعدت اصارخ على اختي و اخوي لانهم قعدوا يلعبون بالسرطان
بعد كذا جلسنا انا واختي واخوي وقعدنا نسوي قصر بالرمل
قالت امي : وش فيك قاعده روحي تسبحي
انا : لا والله...........تبغين السرطان يقرصني
امي: اقري الاذكار والمعوذات وان شاء الله ما راح يصير فيك شي
انا : لا خلاص هونت
راحت امي عند البحر ومعاها اختي يوم شفتهم قمت ورحت معاهم وقريت الاذكار والمعوذات
شوي يا بنات مر من جنبي سرطان البحر كبير الظاهر انه امه او ابوه لان اللي شافته اختي صغير
اخترعت وقلت لامي وانا مخترعه واصارخ يمه يمه يمه مر السرطان من جنبي
والله مر من جنبي
الحمد لله اني قريت المعوذات والاذكار
قال ابوي : اجل يالله خلاص مشينا الظهار البحر مليان
رحنا وشلنا البساط والشاهي
وركبنا السياره وانا حزينه لاني ما قدرت اتسبح
اللي ما تعرف سرطان البحر هذا هو
آآآآآآآآآآآآآآآآآآ ه يابنات والله اني مقهوره اني ما تسبحت بس يالله
المره الجايه اذا رحنا البحر بتسبح وان شاء الله يكون البحر آمن
العرض العادي
