لو رضى قلبي بغيرك ... ما ابيه ما ابيه

[ناصـــــر]

عذبيه .... اسعديه ....... داوي قلبي و اجرحيه
واللي ما مثله ابد .. مثلي ما حبك احد
و لو رضى قلبي بغيرك ... ما ابيه ما ابيه

تملكيني لو بغيتي .... تملكيني لو رفضتي
تسحريني لو حكيتي .... تسحريني لو سكتي
انا نجمه في مدارك ... ضي عيني من نهارك
وانتي قلبي و اللي فيه
و لو رضى قلبي بغيرك ... ما ابيه ما ابيه

انتي اغلى من هجرني ... انتي اجمل من يغيب
والله لو بعدك قهرني ... ما ابي غيرك حبيب
سافري و القلب دارك .... راضي بثلجك و نارك
حبي قلبي و اكرهيه
لو رضى قلبي بغيرك ، ما ابيه .... ما ابيه

انا احبك لا تخافي .. الا قلبك لو هواني
هذا ضعفي و اعترافي .. بس ما ارضى هواني
ابعدي هذا قرارك ... ماني سجنك او حصارك
روحي سوي اللي تبيه
و لو رضى قلبي بغيرك ما ابيه ... ما ابيه