من الحظيظ الي صرت له معشوق

[فايز عبدالله]

منهو لقلبك يالغضى وصل وفاز
من الحظيظ وصرت له خير معشوق
وانا عليكم من كرى النوم فزاز
والهم يباريني على الصدر مطبوق
امشي مع دروبك ولساس لزاز
مابي تقول ابلشني خبل(ن) ومطفوق
حبك بجوفي كن له طعن مخراز
يخجني من كثر مابي من الشوق
ان كان حبك لي محال(ن) مع اعجاز
بحيا على لفحة هبوبك المنشوق
وهم السعاده مالنا فيه معتاز
ا نشد يتيم(ن) ثوب عيده به شقوق
كل امشاعر له تهلي وتنحاز
ولا غاب زوله كني بالحبل مشنوق
شربي وزادي فوق كبدي كما القاز
واتيه في البيداء كما الشارد الملحوق
واليوم خوفي من حكي كل لماز
لا دريوا اني بالهوى صرت مصفوق

[صوت و صدى]

قصيده رائعه .. اخوي

صح ألسانك.. وبإنتظار المزيد !

[فراوله أنا]

كلمااات فقمة الرووعه والتعبير ..

تسلم يالغالي ومااقصرت ..

[[] خفـوٍق الـرِوِح []]

فآآيز ..,.,’.. صح لسآآنك .. ويسلم هالبـوح .. ود جديـد لكن وضعت بصمتـك بهمـس .. بإنتظآآر جديـدك ..,.,’..

[صــادق الــود]

قصيده رائعه اخوي

صح ألسانك وبإنتظار المزيد

تقبل مني خالص واروع تحياتي

[فايز عبدالله]

صوت وصدى
فراوله
بنت سدير
صادق الود
ما عليكم زود ولكم كل الشكر والتقدير
وتقبلوا خالص الاحترام

[شعاري لاللخيانه]

بصــــــراحه كلمـــــــــــات جميله
معبــــــــــــره عن احســــــــــــاس داخلك

دمت اخوي بــــود

ننتظر الجديد
اختكم شعاري لاللخيانه

[عزتي راس مالي]

وهم السعاده مالنا فيه معتاز
ا نشد يتيم(ن) ثوب عيده به شقوق

فايز عبدالله ...

اسم سنطرب له كثيرا ...

فقد اسرنا بأول مصافحه له معنا هاهنا ....

فايز ...

صح لسانك ملايين ولاهنت ...

لاعدمناك