محدن ملك قلبي

[فيّاض]

محــدن ملك قلبــي على كثر الاحباب ******* ومحــدن ملـى عيني على كثر ماريت
إلا انت يالفتــان ياسحـــر الالبــــــاب ******* ياللـــي بنيت بداخـــل القلـــب لـك بيت
شفتك وشفت السحر من بين الاهداب ******* شفتــه ينـــادينــي وانــا غصـب لبـيت
الله وهبـــك الحسن واعطاك الاسباب ******* اللـــي بــها طحـــت بغـــرامك وحبيت
وش حيلتــــي يازين لاصـــرت جـذاب ******* غير اتبعك لـن رحت واتبعك لن جيت
اثــر العـــذارى بلـــوةٍ لاهل الاشناب ******* يتبع خِطــــاهن راعـي العز والصيت
كـــم عاشقٍ من حبهن صار منصاب ******* ودايــم كلامــــه بـس ياليـــــت يـاليت
وانـــا احبـــك حــب ماهـــــو بكــذاب ******* واكــبر دليـــل انـــك اذا غبــــت ونّيت

[عزتي راس مالي]

فيّاض ...

الله الله عليك ...

ابيات رائعه ...

حبك وسبك ...

صح لسانك ملايين ولاهنت ....

لاعدمناك

[فيّاض]

الف شكر اخوي ( عزتي راس مالي) على مرورك وكلامك الطيب وارجو لك التوفيق

[ابو مالك]

صح لسانك

وكلمات رائعه

وتحياتي

[حـفـيـد الـزيـر]

............اخي فياض .............
.
..
...
كلماتك رائعة وسهلة وممتنعة في نفس الوقت

قمه الابداع و التميز والشموخ شي لايوصف

كل بيت بالقصيده رائع بروعته وجميل بكلماتة ووصفة

وشكلت لنا عقد من الروعه والجمال في هذا القسم

عاودت قرأتها أكثر من مره وتغنيت بها فكل مره اعيد بها القرأه أجد نفسي في شغف لتكرار ذلك

ماهي غريبه من شاعر يبدع لنا هذا الابداع

دمت بخير


اخوك حفيد الزير

[الطلحي2000]

شفتك وشفت السحر من بين الاهداب ******* شفتــه ينـــادينــي وانــا غصـب لبـيت

أخي فيّاض
أبيات جميله وكلمات معبره
تسلم لاعدمتك
تحياتي

[فيّاض]

اشكر كل من مر وشرفني بقراءة القصيده سواءا كتب رأيه او لم يكتبه
و للجميع مني جزيل الشكروالتقدير

[قلب من ذهب]

نعم 00مشاعر فياضه من شاعر مرموق00 وكلمات تهز من قرأها 00 تسلم أخوي على هذه الهمسات الصادقه00 تقبل مروري

[فيّاض]

الف شكر اخوي قلب لاهنت مرورك يشرفني ويسعدني

[مشآع ــر طفلهـ]

فياض

هذا الحرف جميل يعانق القلوب
وترتاح له الأعين في النظر

تكتب وتملأ المكان بدفئ حسك
وهذا شيئ جميل ورائع

أشكرك من كل قلبي على هذه المساحة الجميلة

تحيتي

حلاها تميمي