سلطان الهاجري والطياره

[ســـعـــد]

اتركم مع القصيده الرائعه من ابداع شاعرها الرائع سلطان الهاجري والقصيده فيها الوصف والحكم والعتب



والقصيده تحكي عن نفسها




راكب اللي حسها تسمعه من كـل صـوب000مثل زلزال الرعد فـي المـزون المظلمـه

كنها يـوم استـدارت وضاقـن الـدروب000فرخ شيهانٍ على الطلع ينهـض مقدمـه

تلها جورج الخواجه وعرضهـا الهبـوب000وأعلنوا بإطفاء الزقايـر وربـط الأحزمـه

إسم كبتنها خواجة ماهـو بلبـاس ثـوب000أخذ من االفوتكا سك ومن الشـي عدمـه

من سلايل شايبٍ ما جمع غيـر الذنـوب000والديانة عكس الإسـلام ماهـي مسلمـه

مايعرف يقول هـذي شمـال وذي جنـوب000الدليلـة بوصلـة والحـروف مترجـمـه

واهني اللي علـي رحلتـه يلقـي ركـوب000إن رجع وألاتوفـى عسـى الله يرحمـه

إن نوى في مشرق الأرض وألا في الغروب000المهـم ينفـذ الـلازم الـلـي يلـزمـه

فاقدٍ لي شيـخ قـوم غالـي ومحسـوب000محزمٍ في الضيق يابعـز منهـو محزمـه

والجفا من بين الأصحاب عيب من العيوب000والصداقـة مـن بنـى بيتهـا مايهدمـه

والغلا والكره ما تسكـن إلا فـي القلـوب000بس مابـه قلـب فيـه الثنيـن مخيمـه

والرجل لاصار بيـت مـذرى ومحجـوب000استوى عنـد النشامـا وجـوده وعدمـه

أتحمل مزح الأصحـاب عذبيـن السلـوب000وأتخيـر وآكـل التمـر واطـش عجمـه

وأعرف الكذبة إليا جات من فـم الكـذوب000لاقعـد يرفـع لسانـه ويرخـي برطمـه

والطرب لامن جرفني مع اللحن الطـروب000أنسف البيت المدمدم علـى اللـي دمدمـه

واقفل الجوال عن راعي الغـوج الهـذوب000وأفصل التعميـم عـن بيجـري واعممـه

زلة الطيب مـا تجـرح متينيـن الجنـوب000عقب اللـي زلـةٍ مـن صحيبـه تفحمـه

ايه ياضيدان والنـاس حـارب ومحـروب000والأعـادي كـل واحـد بحبـره وقلـمـه

صـح لسـان شــاعرهـا:ســلطـان بـن وسـام الهـاجري

[ورد الشام]

رررررررررررررررررروعة
ياسمين الشام لكم

[ســـعـــد]

وانت اروع




شرفتنا بطلتك المبهره




تحياتي

[مصادر]

سعد ,,

سلمت يمينك ألتي نقلت هذه ألقصيدة ألشامخة لشاعر شامخ في شعره ,

ودام تألق ذوقك ألذي أختار ,,



طالعتها ولم أرتوي وسوف أعود للمطالعة ,,


تقبل مروري مع صادق تحياتي وتقديري ,,



أخوك / أبومحمد ,,,,

[ســـعـــد]

شرفتني يابو محمد بأطلاعك على الموضوع



وبيض الله وجهك