يـاشـغـالـتنـا..يـاحـبـيـبـتـنـا...

[ابوعبدالإلـه]

من بعدك .... بناتنا ماتعرف تطبخ

من بعدك ... بناتنا اوزانهن من 80 كيلو وطالع

من بعدك ... اطفالنا رمز للعروبة

من بعدك ... رجالنا جيوبهم خاليه

من بعدك... رجالنا يفضلون سريرك على سرير الزوجة

من بعدك ... ومن بعدك ....

--------

الزوج :- ملينا يابنت الحلال من حبه مندي كل يوم, تعلمي لك كم طبخة نمشي فيها حالنا

الزوجة :- حاولت ولا قدرت تبي اكل زي العالم والناس جيب لي خدامة, ولا انا ناقصه, شوف فلانه وعلانه عندهم خدمات الا انا

لا وإذا تبيني احمل لازم تجيب خدامه

الزوج :- طيب انتظري شوي اسدد ديون الزواج على الأقل الحين الخادمة عشان تقدم عليها اقل شي تدفع 10 الاف ريال

الزوجة :- يعني غيري احسن مني , انا قلت لك تبي حمل وعيال جيب شغاله ..

بعد مرور 6 شهور على طلب الخادمة حضرت الخادمة وحملت الزوجة

وبعد مضي 20 يوم فقط هربت الخادمة ... بكل سهولة وتركت بعدها زوجه حامل وزوج مديون بسببها ...

وبعدها لايستطيع الزوج احضار حبة مندي ... اكتفى بعمل اندومي لنفسه

وهذه آخرتها ....

[أمــــواج]

ياكثر مانسمع من مشاكل بل مساوئ الخادمات .. ومع ذلك نجدها في كل بيت !!!استغرب حقيقة من وجود خادمه في منزل لايضم سوى الزوجان فقط ؟؟
وهذا كله بسبب التقليد الاعمى ..
طيب كيف الوحده بتاخذ راحتها في اللبس عند زوجها .. حركاتها مع زوجها .؟؟ والخادمه
فقط للمراقبه ياالله احس انها تكتم على الانفاس !!!
.
.
اما اذا كان فيه اطفال والله ياحرام كل شي يخص الطفل هي اتسويه من اكله وشربه وملابسه
حتى والله عورني قلبي
على بنوته صغيره عمرها ماتعدى السنين تقول للخادمه ماما ونست امها الحقيقيه والام مبسوطه
وماعليها !!!!
.
.
اما الزوج فحدث ولا حرج اي شي يبغاه بيقول للخادمه والزوجه وينها طالعه ولا مشغوله مو لمه
!!!!!!!!!! لدرجة وحده تقول حتى ملابس زوجي الداخليه الخادمه هي اترتبهم بالكبت !!!!

مولهالدرجه كل شي نجعله بيد الخادمه ؟؟ والزوجه وين راح دورها ؟؟؟
حتى المكالمات صارت ترد علينا الخادمات ...
للأسف انه صار هذا حالنا مع الخادمات ؟!!!!
.
.
المستشار
موضوع هادف نحن بامس الحاجة اليه ..
اشكرك اخي الفاضل ..
دمت بود ..

[ابوعبدالإلـه]

اقتباس المشاركة الأصلية كتبت بواسطة شموع الود ياكثر مانسمع من مشاكل بل مساوئ الخادمات .. ومع ذلك نجدها في كل بيت !!!استغرب حقيقة من وجود خادمه في منزل لايضم سوى الزوجان فقط ؟؟ وهذا كله بسبب التقليد الاعمى .. طيب كيف الوحده بتاخذ راحتها في اللبس عند زوجها .. حركاتها مع زوجها .؟؟ والخادمه فقط للمراقبه ياالله احس انها تكتم على الانفاس !!! . . اما اذا كان فيه اطفال والله ياحرام كل شي يخص الطفل هي اتسويه من اكله وشربه وملابسه حتى والله عورني قلبي على بنوته صغيره عمرها ماتعدى السنين تقول للخادمه ماما ونست امها الحقيقيه والام مبسوطه وماعليها !!!! . . اما الزوج فحدث ولا حرج اي شي يبغاه بيقول للخادمه والزوجه وينها طالعه ولا مشغوله مو لمه !!!!!!!!!! لدرجة وحده تقول حتى ملابس زوجي الداخليه الخادمه هي اترتبهم بالكبت !!!! مولهالدرجه كل شي نجعله بيد الخادمه ؟؟ والزوجه وين راح دورها ؟؟؟ حتى المكالمات صارت ترد علينا الخادمات ... للأسف انه صار هذا حالنا مع الخادمات ؟!!!! . . المستشار موضوع هادف نحن بامس الحاجة اليه .. اشكرك اخي الفاضل .. دمت بود ..

هذه والله مشكلة لما الاطفال ينادوا للخادمة ياماما وموجودة بكثرة في مجتمعنا هذه المشكلة

لا ويمكن يبكون الاطفال عند سفر الخادمة


شاكر لك حضورك واضافتك المفيدة

شكرا لك

[سكره مكره]

بورك قلمك أخي مستشار لتناولك دائماً..مواضيع من واقع مجتمعنابكل شفافيه وبطرح رائع ..
أما ماورد هنا في القصة الإستفتاحي لتمهيد فكرة الموضوع .
فشر البلية مايضحك ..
ترجمان هذه المشكلة وحلها في يدكل رجل لماذا الرضوخ لمطالب لم ينزل الله بها من سلطان.كن حازماً.
فمصائب الخدم كفيله بالعزوف عنهن ..في بداية الحياة ماالضروره الملحه على إستقدامها..
لكن ركاكة أفعال بعض الرجال تجعله أداة تنفيذ لرغبات الزوجه
إذا بأول حياتك تتكبد دفع مهر وإستقدام الأفضل تضرب عصفورين بحجر
خخخ وتستقدم زوجه بالمره ..
وهذا نموذج لايمثل كامل شريحة فتياتنا فالأغلب بهن الخير ولاترغب بهن
وكامله والكامل الله ..
طــــــــــــــرح رائع
تقبل من كل التقدير ..

[سام 6]

مبدع في طرحك دائما

والله مشكله انو اغلب البنات يوصل عمرها الى 25 سنه ولا تعرف تطبخ ابد

وبعد مشاكل الخادمات من سحر وشعوذه وغيرها

الله يحمينا واياااكم من شر من به شر


يعطيك العافيه يالغالي

ننتظر جديدك المميز

تحياتي

ودي وتقديري

[ابوعبدالإلـه]

سكره مكره

اشكرك على اطرائك الجميل

ومثل ماتفضلي لابد للزوج ان لا يرضخ لكل المطالب .. لكن الغالبيه يحب يدلع زوجته ويكرمها ويضحي عشانها

والمشكلة صارت الخادمة الان شيء لابد منه في تفكير اغلب الناس

وطبعا فيه بنات ماتحب تكبد زوجها مصاريف دلع ولو خليت خربت

وشكرا لك