يالله ياللي ساتر العبد بالدين=ياواحد ٍ معبود قوله دليله
القول فالقرأن وضّاح ويبين=كل ٍ عَرف احكام ماهي قليله
حق العباد اليوم واحد وثنتين=حق الإله وحق منهو مثيله
كل الخطى نوفيه والدين بالدين=ماشي ضايع كل حمل ٍ نشيله
يانفس هَدي كان بالفعل تخطين=يوم الحساب الكل شايل حصيله
إما جِنان الخلد او نار تصلين=مالك خيار ٍ او وكيل ٍ نجيله
حق الإله إن كان بالقول تدعين=الله فغور وشافع ٍ لك خليله
المشكله حق العباد المساكين=الله ترى في حق عبده وكيله
السن بالسن وترى العين بالعين=ماضاع حق وطالبه محتميله
من دق باب الناس ردوه بعدين=إما فجيل ٍ مقبل ٍ او فجيله
ياقاري الابيات بيتين بيتين=بيتك ترى يحميه فعل الجميله
حذرى تضر البيت يالشيخ باشين=المِد بالمِد وترى الرد كيله
اقصى كلام وللرجال الموفّين=قول ٍ ولا نثنيه مافي بديله
صونوا بنات الناس والقول باللين=اختك تراها لو فغير القبيله