حياك الله أخوي مشعل محمد وأشكرك على الموضوع الرائع,
بالنسبة لنا شباب وبنات على مقتبل الزواج .
بالنسبه للمهور في مجتمعنا وفي قبيلتي أنا خاصه المهور من 50 الى 60 ألف ريال قد تزيد او تنقص حسب الاسره او العائلة ..
وانا اشوف انها مناسبه لنا يالشباب وكذلك بالنسبه للبنت في تجهيزها
لاكن في بعض مناطق المملكة الاخرى .. مثل بعض مناطق الجنوب
وبعض مناطق الأخرى تحصل المهور تفوق المية الاف إذا ما كان هناك شروط ثانيه .
من الأشياء الحلوه اللي انا شفتها ببعض مناطق الجنوب انهم محددين المهور باربعين الف .
وانه ما يحق لأهل البنت المطالبه باكثر من هذا المبلغ ... ألا إذا تكرم المعرس من نفسه وزاد .
وأكثر شيء يقهر بالزواج انه ليله وحده تكلفك ميه الف وفوق .. ليه علشان المظاهر والخرابيط الفاضيه اللي ما لها اول ولا تالي ..
قصر افراح بـ 40 ألف ... بوفيه مفتوح ... الكوشه ... الفرق الموسيقية ... والخرابيط الثانيه
والشاب يجلس يسدد بالديون هذي أربع وخمس سنوات ...
القهر كل القهر إذا طلعت البنت بعد هذا كله .. ماهي كفو تكون زوجه و أم عيال .
يكون همها السوق والموضه وش سوت فلانة وين راحت علانه وجيب لي زي هذيك واشتري لي مثل جارتنا ...
يعني لا تراعي الديون ولا همها والا تطلع طويلة لسان ولا قليلة ادب ولا ولا الخ ...
وكلها سنه او سنتين وهم متطلقين والشاب لما الحين يسدد بالديون حقت العرس ..
وانا اعرف واحد صارت له هذا الحركه ... تزوج وحده و عاش معها سنه وشوي وبعدين تطلقووا
بس هو جلس بعدها سنتين وهو يسدد بديونه اللي خسرها في الزواج الاول
والمسكين ما قدر يتزوج ثانيه الا لما يخلص ديونه الاولى ...
الفكره اللي تقهرني في البنات او الحريم بشكل عام انهم عندهم قانونه انها ما تخلي زوجها يجمع شيء يعني إذا حست انه جمع مبلغ ..
على طول تحاول انها تخليه يصرفه علشان أيش ما يتزوج عليها ثانيه .. تفكير حلو من البنات طبعاً مو كلهم اغلبهم كذا .
ادري اني طولت اخوي مشعل بس الموضوع يتطلب اكثر من كذا اصلاً
أسف على الإطاله وأشكرك مره ثانيه على موضوعك الرائع
تحياتي لك :)