بعيدة نظرة اعيونك بعيدة
تجمعنا.. تفرقنا.. وحيدة
بها حكمة زمن عمر الأماني
تصاريف الزمن تقطع وريدة
بها شفت الصفاوة و الطهارة
بها شفت التحدي ياعنيدة
ضحكتي و الغرابة لي تجلت
حزينة ضحكتك و إلا سعيدة
براءة طفل و إلا همس حاير
يشوف العمر بعيون جديدة
قضى عمر مضى في ليل دامس
حسافة لو تذكر وش يفيده
تسعة أشهر قضاها في سعادة
يحس الكون من حوله عبيدة
ترى رجع الزمن هيهات يوفي
ديون لو بتحصيها عديدة
نظرت ابصمت في عينك عبارة
تقول إن الوهم عمرك طريدة
ترى يا ابن الثرى لو فات يومك
يموت و لو تحاول ما تعيده
ترى يا ابن الثرى عمرك هشيم
تجمع و أنت له نار وقيده
تعبت أنسى و أسافر في خيالي
و أنا أظن الوهم قصة أكيدة
حزينة رحلة لي في عيونك
أنا حرف بها و أنتي القصيدة
العرض العادي
