[poet font="Simplified Arabic,4,black,normal,normal" bkcolor="transparent" bkimage="backgrounds/10.gif" border="double,4,gray" type=2 line=200% align=center use=ex length=0 char="" num="0,black" filter=" glow(color=white,strength=5)"]
زادت تناهيد قلبي وشتت كلمة غرامي = ياجماعة ضاع حبي ضعت أنا أبغى الدليل
ياعيوني سال دمعك وأنا ثابت باحترامي = انتظر قلبي يوقف ما أبي العمر الطويل
وأنا واقف في مكاني ماقوت جسمي عظامي = طحت أنا كلي بشموخي كني انسان هزيل
جيت أحاول آتكلم ماقدرت أنا لكلامي = جيت أبزحف عن مكانه ماقوى جسمي يشيل
أشكرك هذي الهدية تنحفر في قلب ضامي = ماتقصر ياحبيبي أشكرك عن كل ليل
يومي أعطي ما أوفر لجل عين الحب أحامي = يومي أقصد في غرامك وارسمك من سلسبيل
أرخص الغالي لعيونك زايدٍ فيني هيامي = أعطي الدنيا بخياري لأجل أنا أبقى لك خليل
أنثرك في وسط قلبي وأجمعك والشوق حامي = وأحرمك شوفة عيوني لا بدى دمعي يسيل
ياحبيبي عقب مانا بالهوى رافع وسامي = صار عيبي إن أوفي والوفاء طبع الذليل !
ياحبيبي عقب مانا شايفك عندي محامي = صرت خاين ياحبيبي صرت كنك له عميل
ياحبيبي كنت شوقي كنت حبي والأسامي = كنت انسان أرى في عالمه جرحي بخيل
ياحبيبي صرت جرحي صرت ناري والظلام = صرت كوكب ما أشوف بدنيته شي جميل
ياحبيبي فكر أول شف كلامي شف سلامي = شف كلامك شف علامك ؟ وش بلى حظي عليل
ياحبيبي كان ودك بالهوى تربط حزامي = لأتركك ويا غرامك وأنهي الدنيا برحيل
ياحبيبي كل رميه ماحبكها كود رامي = افهم الكلمة وتعرف عقبها كم فيه خيل
ياحبيبي والنهاية أمنياتي بالختام = نختم بمسك الهوى اللي انتظرته لي يميل
[/poet]
أتمنى أن تنال هذه القصيدة على إعجابكم
العرض العادي
