تغيـب وانسـاك وارجـع واذكـر غيابـك
وتعـود بعـد الغيـاب تبعثـر اوراقــي
أنـا دخيـل العيـون السـود واهـدابـك
الحق على اللي بقا واستوعـب الباقـي ؟
ياليـت ماصـاب قلبـي يالغـلا صـابـك
وتحـس باللـي تمكـن داخـل اعماقـي
أحتـرت والحيـره اللـي جـات بأسبابـك
همّك علـى القـرب والا همّـك فراقـي؟
كنك من الرزق يـوم الحـظ لـيّ جابـك
وأخـاف حظـي يعـود ويقطـع أرزاقـي
الـحـرف ياسـيّـد الـخـلان غنـابـك
ياملهم الشعـر عنـدك صـادق اشواقـي
يكفينـي أكتـب واصيـر بصفحـة كتابـك
دام المشاعـر علـى طاريـك تنسـاقـي
والله أحبك . وأحبك . واحسـب حسابـك ؟
أنـي احبـك . وأحبـك . دون عشـاقـي
جبنّي غرامـك وشفنـي سيّـد أحبابـك ؟
عطني حضورك حبيبي وأترك الباقي .. ؟ !!