تعالو خلونا نشوف الشخصيات في الانترنت
من شباب وبنات ..
البدايها لشباب...
1/ شاب يقضي معظم وقته على النت ومافي في باله الا انه يدور بنات . يعني يستخدم اكثر من اسلوب لجذب انتباه الفتاة من كلام حلو شعر خواطر واذا مانفع حول اسلوبه الى صرقعه يعني يمشي على حسب مزاج الفتاة.
2/ شاب يقضي معظم وقته في النت يتعلم على البرامج والهكر ويخترق اجهزه (الله يبعدنا عنه) اذا كان لتفجير واختراق مواقع يهوديه ومواقع مخله في الدين الله يكثر من امثاله.
3/ واحد بس شغلته منتديات من منتدى لمنتدى وكل يوم يسجل في منتدى يترك منتدى والاطلاع على المواضيع ..وبيني وبينكم يسرق المواضيع..
4/ واحد بس يسوي ابحاث ويدور مواقع علميه طالبينها منه الجامعه او الكليه او عمله يعني هذا النوع معقد ويقهر لابس نظارات..بس هو اللي عرف فايدة النت
5/ واحد يدخل يضحك يعني ما يهمه كون الشخص الي قدامه شاب ام فتاة شغلته بس يضحك وما يخلي احد في حاله هذا احسن نوع وهو المحبوب من الكل
6/ نوع ما يخلي البنات في حالهم يعني يمكن توصل لسب والغلط على البنت اذا ما عطته وجه ونوع يهين كرامته من اجل رضاء البنت عليه (هذا للاسف انه مو رجال)
7/ نوع يدخل بأسم بنت عشان يسحب الشباب على وجوههم...والا عشان يشبك مع البنات على انه بنت ويعطونه وجه بسرعه ( وهذا للأسف برضوه مو رجال)
عاد الحين يجي دور البنـــــــــــات..
1/ بنت ما عندها اي شغله في البيت يعني تدخل النت توسع صدرها على قولتهم ونست ان وراها طبخ الغدا ويجي زوجها ما يحصل غدا .. ما علينا هذا النوع الي ما يدور غير توسيعه الصدر لانها محبوسه في البيت .
2/ بنت ما عندها اي شي الا انها تلعب في عواطف الشباب عاد شبابنا مو شايفين خير ما يصدقون بنت تكلمهم على طول حب ومشاعر وغرام (الله لايبلانا).
3/ بنت تدخل النت بس تحب تسولف عاد معروف في البنات يموتون في السوالف وتدور اي موضوع علشان تتكلم فيه وما تخلي موضوع الا تتناقش فيه حب دخلت الموضوع سياسه دخلت بعد يعني اهم شي تحلل فواتير التلفون.
4/ بنت ساكته بس تتفرج يعني فواتير بالهبل وهي بس ساكته وتسمع اغاني روحي اشتري شرطان مسجل وفكي نفسك احسن من خساير التلفون .
5/ بنت ما عندها غير انها تتحدي هي وخوياتها كم كلمت واحد تلفون ها حصيصه كم وحده كلمتي خمسه وانتي كم يا معتوقه انا مكلمه اليوم سبع يعني تحدي الله يعينه الي يطيح في يدين البنات الي مثل النوع هذا ..
6/ بنت تدخل باسم ولد وهذي أما عشان تسحب البنات وتلعب عليهم وتطلع فضايحهم والا عشان تبي تفتك من مضايقات الشباب وتدخل النت براحتها..بس المشكلة احياناً ماتسلم..
بس والله في بنات يكسرون الخاطر الي يدخلون يبون يوسعون صدروهم والي يبون يتكلمون يعني يضيعون وقتهم ويجيهم شباب ما يخلون البنت في حالها الكل يتكلم عليها واذا ما عطتهم وجه تعال وشوف الكلام الي في قله ادب وكلام ********* ليه لانها ما عطته وجه
واسف على الاطاله
والحق ما ينزعل منه..
______________
تحياتي....
العرض العادي
