استخدم ذكائك ياشاعر فالذيب وزرفه

[الدرع العربي]

	هذه القصيده لها عدة مواضيع وفيها اسمين موزعه حروفها في بيت من القصيده اراجو من الشعار معرفة المعاني والاسامي المذكور ه كلا يدلي بدلوه ويرمع رمعته غنيت وبغى اذهب البيت تذهيب 000 وقصيدتي تشهر ويعرف سببها وحتى تلوق ليا قروها الاشانيب 000 اناعزلت انحاسها عن ذهبها انقح ابيوت القصيده من العيب 000 وحبر قلمي جزل القصيده كتبها وكزها مع ذيب تنصالهاذيب 000 وذيب الذيابه من سنونه نهبها انجب اله الذيب بالزرف تنجيب 000 لذيب الذيابه والذيابه نجبها الي وفا في وقت جوه المناديب 000 كمل وجمل لين وفا طلبها جعله مخلد ماتجيه العذاريب 000 بالخاوبالراصانها ثم كسبها المرجله والا الرجوله تجاريب 000 في ساعة الفزعه وساعة نشبها اسمه سبق ذكره بلاشكن وريب 000 والي يشب النار يلقا حطبها اااااااااااااااااااااااااااااااااااااااااااااااااا ااااااااااااااااااااااااااااا مرات اعدي في طوال المراقيب 000 وضفي على اعيون الطريفه هدبها ولياوردت العد قبل الشواريب 000 احسب احساب لماردي وحتسبها غلطه مكررها وخاف العواقيب 000 عقبه تشين الشربه لمن شربها وان كان شفت السيل حادرله اشعيب 000 مالي ومال الي تروي اقربها والسالفه ماهيب ماهيب ماهيب 000 للي جهل بحسابها ماحسبها وماقل دل ولاتقل الهناديب 000 وصلو لمرسل عجمها مع عربها

[متاابع]

الدرع العربي

صح لسانك


والحقيقه شفت الحرفين ولللأسف ماعرفت المغزى

تقبل تحياااتي ومروووري

[الدرع العربي]

صح بدنك متابع
اشكرك على مرررروررررك المتواضع

[متاابع]

اقتباس المشاركة الأصلية كتبت بواسطة الدرع العربي صح بدنك متابع اشكرك على مرررروررررك المتواضع

أفااااا


ماتوقعتها منك

[الدرع العربي]

امنت بالله وش حصل مني يااخي العزيز
عسى ماحصل مني خطى
ونا مادريت وش موجب كلمة افااا وش الي صاير مع ها الصبح يامتابع

[متاابع]

اقتباس المشاركة الأصلية كتبت بواسطة الدرع العربي امنت بالله وش حصل مني يااخي العزيز عسى ماحصل مني خطى ونا مادريت وش موجب كلمة افااا وش الي صاير مع ها الصبح يامتابع

ولا يهمك ياخوي


سؤ فهم والحمد الله تلاشى

كنت اعتقد شي واتضح لي اني غلطان

والسموحه وطوفها علشاني


تحيااتي لك

[حلوه موت]

يعطيك العافيه

[ملاiiك]

الــــــدرع العـــــربـــــــي

صـــــــــــــح لسانك ولاهنت

قصيده جزله يعطيك الف عافيه

بس الحقيقه دورت الحروف ومالقيتها وين مخفيها



تقبل تحياتي ومروري

[العـ راعي ـليا]

جعله مخلد ماتجيه العذاريب 000 بالخاوبالراصانها ثم كسبها

الدرع العربي .. صح لساااانك ولا هنت .

من نااحية الأسمين هل هما في بيت واااحد فقط وإلا .. لا

اما من نااحية المعنى فهو على ما قيل في بطن الشاااعر .

تقبل تواااضع مروري ،،

دمت بوود

[تركي 2000]

اقتباس المشاركة الأصلية كتبت بواسطة الدرع العربي جعله مخلد ماتجيه العذاريب 000 بالخاوبالراصانها ثم كسبها

انا اقول ان الاسمين هم الخاء والراء

تفسير البيت من وجهة نضري
الشخص اللذي قام بحل القضيه والذي وضح في البيت اللذي قبل بيت الحرفين
الي وفا في وقت جوه المناديب 000 كمل وجمل لين وفا طلبها

صان القضيه وحلها بامرين
بالخاء = هو مهناه الخبره
الراء = ومعناه الرزانه والعقل

هذا ما اقتبسته والباقي يكون مربوط بالقضيه اذا انا اصبتها وجدت الحل اذا جانبتها تبقى محاوله والمعنى في بطن الشاعر